Kriolit

Ti Wikipédia, énsiklopédia bébas
Luncat ka: pituduh, sungsi
Kriolit
Tambang kriolit di Ivigtut, Greenland, 1940
Sél unit kriolit

Kriolit (Na3AlF6, natrium héksafluoroaluminat) téh mineral ahéng nu jumlahna di alam saeutik pisan, salah sahijina aya di Ivigtut, basisir kulon Greenland, nu béak diala taun 1987.

Baheula, kriolit téh bahan baku alumunium, tapi kadieunakeun jadi bahan pikeun éléktrolisis bauksit, hiji jenis bijih aluminium, nu mangrupakeun campuran mineral-mineral alumunium oksida kayaning gibsit, buhmit, jeung diaspor. Guna kriolit dina ieu prosés nyaéta pikeun nurunkeun titik lééh alumunium oksida (tina di luhur 2000 jadi 900-an °C). Kusabab ayeuna mah geus jarang pisan, pancén kriolit di industri diganti ku natrium alumunium fluorida anu dijieun tina fluorit.

Kriolit bungkeuleukanana kristal teu warnaan. Teuasna 2,5 n.k. 3 skala Mohs, sedengkeun gravitasi spésifikna 2,95 n.k. 3. Indéks réfraktifna leutik pisan: a=1.3385–1.339, b=1.3389–1.339, g=1.3396–1.34; deukeut pisan jeung cai. Ku kituna, mun dikeueum dina cai, ieu kristal ampir teu katémbong.

Lian ti di Greenland, kriolit ogé kungsi kabéjakeun aya di Puncak Pikes di Colorado, Amérika Serikat, Mont Saint-Hilaire, Quebec, Kanada, jeung Miass, Russia.

Ayana kriolit munggaran dilaporkeun taun 1799. Ieu ngaran dicokot tina basa Yunani cryò = beku jeung lithòs = batu.

Rujukan[édit | sunting sumber]

Nulis.jpg