Kulkas

Ti Wikipédia, énsiklopédia bébas
Luncat ka: pituduh, sungsi
Kulkas warna bodas

Lomari És atawa kulkas nya éta lomari beusi anu dialus-alus, di jerona aya mesin otomatis pikeun niiskeun bahan dahareun, inumeun jst, sangkan rasana tetep seger jeung tiis.[1].

Sajarah jeung Kamekaran[édit | sunting sumber]

Kulkas atawa basa Walandana koelkast, éta lalandihan téh diwanohkeun ku urang Walanda nalika Walanda keur ngajajah Indonésia, harita téh urang Walanda mamawa barang anu salah sahijina nya éta kulkas.[2] Kulkas atawa lomari és mimitina digagas ku ilmuwan Jerman ngarana Carl Paul Gotfried Von Linde dina taun 1876.[2] Sababaraha taun kahareup persisna taun 1911, ku General Electric Company gagasan éta téh diwujudkeun jadi pakakas Refrigerator atawa pakakas paranti niiskeun. [2]Gagasan ieu teu leupas ti pingpinan ilmuan ti Perancis anu ngarana Abbe Audiffren.[2] Saencan aya lomari és, urang Romawi kuno ngawétkeun dahareun ku cara ngangkutan és ti puncak gunung.[2] Sedengkeun di Méksiko, suku Aztek cara ngawétkeun dahareuna ku cara éta nyieun liang anu lumayan rada gedé, tuluy bagian dasarna di kurilingan ku suluh atawa jarami tuluy di asupan salju atawa és di jerona, dahareun di tendeun tina tumpukan salju.[2] Tuluy ditutup nepi ka arapet jeung buni, éta dahareun téh bisa jadi awét.[2] Ku sabab manusa boga akal jeung pikiran nya aya kahayang kumaha carana sangkan praktis dina deundeun dahareun, di abad ka-18 urang Inggris nyieun lemari és, bentuk kulkas anu munggaran nya éta ukurana gedé sagedé panto imah.[2] Dijieuna tina beusi, kandel jeung beurat.[2] Di Inggris kulkas geus mimiti ngeuyeuban ka unggal imah, tapi hiji mangsa aya anu maot lantaran bocorna gas beracun anu dipaké pikeun niiskeun dina éta kulkas. [2] Taun 1929, gas diganti ku Freon ieu gas mah teu ngandung racun.[2] Tapi sanggeus ditalungtik Freon téh bisa ngarusak ozon dina atmosfer bumi.[2] Ahirna, gas Freon diganti ku bahan laina anu sarua pikeun niiskeun tapi aman pikeun manusa jeng lingkungan


catetan[édit | sunting sumber]

  1. [Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c d e f g h i j k l Sejarah Lemari Es