Niels Bohr

Ti Wikipédia, énsiklopédia bébas
Luncat ka: pituduh, sungsi
Niels Bohr

Niels Henrik David Bohr atawa anu kasohor Niels Bohr (gumelar tanggal 7 Oktober 1885 - maot 18 Nopémber 1962) nya éta élmuwan asal Denmark anu ngawanohkeun téori atom bohr anu ngagambarkeun susunan atom sacara rinci, gampang, jeung akurat[1][2]. Ku karyana ieu, Bohr meunangkeun panglélér nobél fisika dina taun 1922[1]. Lalaki anu lahir di Konpenhagen nya éta anak ti ahli fisika, Christian Bohr, profésor fisika di Universitas Konpenhagen, indungna nya éta ahli dina widang atikan, matakna teu anéh lamun kamampuh Bohr dina widang atikan kacida méncrongna[1].

Bohr meunangkeu gelar doktor fisika ti Universitas Konpenhagen dina taun 1911, tuluy manéhna miang ka Cambridge, Inggris[1][2]. Dibingbing ku J.J. Thompson, élmuwan anu manggihan éléktron, Bohr mulai diajar tur mekarkeun tiori-tiorina[2][1]. Bohr miang deui ka Mencheser pikeun diajar ka Ernest Rutherford anu manggihan inti atom[1][2]. Di Menchester ieu, Bohr naratas tiori ngeunaan struktur inti atom sacara lengkep anu ngarujuk tina tiori Plant jeung Rutherford[1][2].

Sabada Denmark dijajah ku NAZI, Jerman dina taun 1940, Bohr kabur ka Swedia sabab manéhna nya éta anti-NAZI, lian ti éeta Bohr ogé boga teureuh yahudi[2]. Ti Swedia, Bohr kabur deui ka Inggris tuluy ka Amerika, di ditu Bohr ngabdikeun diri dina widang fisika atom pikeun masalah-masalah pulitik katut katingtriman anu muncul alatan senjata atom[2]. Bohr ogé mantuan tentara sekutu pikeun nyieun bom atom salila perang lumangsung[1]. Sabada perang réngsé, Bohr balik deui ka Denmark, manéhna maot di Konpenhagen tanggal 18 Nopémber 1962[1].

Référénsi[édit | sunting sumber]

  1. a b c d e f g h i Niels Bohr - Penemu Model Atom (diaksés tanggal 4 Désémber 2011)
  2. a b c d e f g Biografi Niels Bohr (diaksés tanggal 4 Désémber 2011)
Nulis.jpg