Optimus Prime

Ti Wikipédia, énsiklopédia bébas basa Sunda
Luncat ka: pituduh, sungsi

Optimus Prime (nami Jepangna Convoy) mangrupakeun salahsahiji karakter robot fiksi tina serial animasi laris di dunya nyaeta The Transformers.

Transformers G1[édit | sunting sumber]

Optimus Prime mangrupakeun pamingpin ti ras Autobots, nu mana Autobots mangrupakeun ras protagonis dina serial Transformers. Musuh utama Optimus nyaeta Megatron. Model parobahan Optimus nyaeta treuk trailer anu lengkep jeung bak kontainerna. Salian ti eta, Optimus oge nyimpen benda sakral anu ngaranna The Matrix.

Optimus sempet dicaritakeun pupus dina awal filem Transformers: The Movie. Tapi ku sabab seueur fans anu resep ka Optimus Prime, di ahir usum katilu, Optimus dihirupkeun deui ku bantuan Sky Lynx sareng Quintessons.

Dina Transformers: The Headmasters, Optimus ngorbankeun dirina jang nyetabilkeun Vector Sigma. Disisi lain, Hot Rod hasil meunang Matrix anu dipigaduh kapungkurna ku Alpha Trion, ahirna Hot Rod robah jadi Rodimus Prime, tur anjeuna ahirna janten pamingpin Autobots ngagentos Optimus Prime.

Pangeusi sora Optimus Prime dina serial Transformers G1 nyaeta aktor Kanada, Peter Cullen.

Unicron Trilogy[édit | sunting sumber]

Dina serial versi 2000 ieu, Optimus Prime mucunghul deui janten pamingpin Autobots. Dina Transformers: Armada, Optimus tiasa ngagabung janten hiji sareng Jetfire. Sedengkeun dina Transformers: Energon, Optimus tiasa ngagabung janten hiji sareng Omega Supreme.

Transformers 2007[édit | sunting sumber]

Dina filem Transformers 2007 karya sutradara Michael Bay, Optimus mucunghul minangka pamingpin Autobots. Warna awakna rada benten jeung anu aya di G1, sabab dina versi filem, warnana janten biru. Sedengkeun dina versi G1 warna awakna beureum.

Pangeusi sora Optimus Prime dina filem Transformers masih sami jeung anu di versi G1, nyaeta masih keneh ku aktor Peter Cullen.

Di filem, Optimus janten pahlawan sakaligus nu nangtayungan keur para Autobots sareng wargi manusa di Bumi tina serangan Decepticons anu bade ngarebut Allspark. Ku lantaran Allspark-na ancur, akhirna Optimus Prime sasarengan jeung Bumblebee, Ironhide, jeung Ratchet ahirna mutuskeun piken netep di Bumi.

Transformers: Animated[édit | sunting sumber]

Optimus mucunghul deui dina serial Transformers: Animated. Dina mangsa ieu mah manehna leuwih ngora tibatan nu aya di versi filem atawa dina versi G1. Model parobahana nyaeta minangka treuk paragi mareuman nu kahuruan.

Pangeusi sorana adalah aktor David Kaye.

Tumbu kaluar[édit | sunting sumber]

[zh:柯博文]]