Phil Collins

Ti Wikipédia Sunda, énsiklopédi bébas


Phil Collins, Barcelona, 2004

Philip David Charles Collins atawa anu leuwih kasohor Phil Collins nyaéta musisi pop/ rock, penulis lagu, aktor asal Inggris anu lahir tanggal 20 Januari 1951 di London, Inggris[1][2]. Phil Collins anu kungsi meunangkeun Grammy Awards ieu kasohor dina taun 80an, malah mah kungsi jadi vokalis grup musik Genesis[1]. Debut karir Phil Collins dimulai jadi drummer dina grup musik Flaming Youth, tuluy jadi vokalis utama Genesis (1976), tapi dina taun 1996, Collins leuwih milih karir solo[1][2].

Phul nikah jeung Andrea Bertorelli, wanoja teureuh Kanada[1]. Tina ieu hubungan, Phil boga anak ngaranna Simon Collins[1]. Phil COllins cerai jeung Andréa dina taun 1980, tuluy manéhna nikah deui jeung Jill Travelman (1984-1996), tina ieu hubungan Phil boga anak anu dingaranan Lily Collins[1]. Taun 1999, Phil nikah deui jeung Orianne Cevey tuluy nganjrek di Swiss, tapi cerai dina tanggal 16 Maret 2006, tina ieu hubungan Collins boga 2 anak, Nicholas jeung Matthew[1]. Lagu-laguna au kasohor nyaéta In the Air Tonight, Sussudio, Another Day in Paradise sedengkeun jeung Genesis mah anu kasohor téh nyaéta lagu Follow You, Follow Me[1]. Phil Collins meunangkeun tujuh 'Grammy Awards, Academy Award, jeung 2 Golden Globe[2].

Référénsi[édit | édit sumber]

  1. a b c d e f g h Profil Phil Collins-kapanlagi.com (diaksés tanggal 21 Nopémber 2011)
  2. a b c Biografi Phil Collins (diaksés tanggal 21 Nopémber 2011)