Skala Mercalli

Ti Wikipédia, énsiklopédia bébas basa Sunda
Luncat ka: pituduh, sungsi

Skala Mercalli diciptakeun ku saurang ahli Itali nu ngaranna Giuseppe Mercalli. Skala Mercalli ieu dipaké jang ngukur kakuatan lini dumasar kana informasi ti jalma-jalma anu salamet tina lini sarta ngabandingkeun tingkat karuksakan anu ditimbulkeun ku éta lini. Kusabab éta, skala Mercalli ieu subyéktip pisan. Tapi anapon kitu, skala Mercalli ieu remen dipaké di tempat anu teu ngabogaan séismométer anu bisa ngukur kakuatan lini di tempat kajadian.

Skala Mercalli :

  1. Teu karasa
  2. Karasa ku jelema anu aya di wangunan luhur
  3. Siga aya kareta beurat nu ngaliwat
  4. Siga aya barang beurat anu nabrak imah, barang-barang anu ngagantung oyag
  5. Dirasakeun di luar imah, hiasan nu ngagantung di tembok obah, barang laleutik dina rak ragrag
  6. Karasa ku sakabeh jelema, tembok imah ruksak
  7. Pager tembok rempag, jalma-jalma teu bisa nangtung atawa leumpang
  8. Wangunan nu teu kuat bakal ruksak
  9. Wangunan nu teu kuat bakal ruksak tekuk
  10. Sasak ruksak, sakapeung aya longsor
  11. Rel kareta api ruksak
  12. Kabeh wangunan pisik ancur


Erdkruste-i.jpg