xvYCC

Ti Wikipédia, énsiklopédia bébas basa Sunda
Luncat ka: pituduh, sungsi

xvYCC atawa Extended-gamut YCC nyaeta hiji rohangan kelir nu dipake dina elektronika video set televisi panel rata, nu ngarojong 1.8 kalieun jumlah kelir nu dipake dina rohangan kelir sRGB.[1] xvYCC ditetepkeun ku IEC Oktober 2005 tur dipublikasikeun Januari 2006 minangka IEC 61966-2-4. Spektrum nu leuwih lega tina backlighting LED ngaganti katoda tiis nyababkeun bisana nambah pamidang color gamut LCD.

xvYCC make jangkah ajen nu lengkep (1 tepi ka 254 dina hiji rohangan 8-bit) pikeun midangkeun kelir. Dina BT.601 jeung BT.709, kelir RGB dipidangkeun ukur ku ajen 8-bit ti 16 tepi ka 235. Jangkah nu kawates ieu dijieun keur mere lolongkrang pikeun undershoot jeung overshoot, nu mangrupakeun sipat pasinyalan TV analog. Dina pasinyalan TV digital mah, undershoot jeung overshoot teh teu aya, kusabab kitu ajen ti 1-15 katut 235-254 bisa dipake keur midangkeun kelir nu sajati. Pikeun ngajaga kacocogan ka tukang jeung standar samemehna, kelir standar beureum (red (R)), hejo (green (G)), bulao (blue (B)) jeung bodas (white) diitung keneh make susunan nu sarua dina rohangan kelir. Jangkah ajen digital nu leuwih rubak bisa mere lolongkrang keur midangkeun hejo kolot (deeper green), beureum kolot (deeper red), katut bulao kolot (deeper blue) - tur tangtuna oge kelir-kelir panengah nu samemehna aya dina saluareun wawates dina rohangan kelir CCIR 601.

Rohangan kelir televisi définisi luhur nu didefinisikeun ku BT.709 ngawengku ukur 45 persen tina ajen nu bisa dipake lamun make indeks RGB ti 1 tepi ka 254, sabab susunan eta kawates ukur 16 tepi ka 234 ku spesifikasi BT. Standar xvYCC make standard 1 tepi ka 254, tur bisa nyandikeun (encode) leuwih ti dua kalieun jumlah ajen kelir. (Sistim sRGB aya antara BT.709 jeung sistim xvYCC, nu mere lolongkrang keur sakabeh kombinasi ajen R, G jeung B ti 16 tepi ka 235 - leuwih loba kombinasina, tapi henteu saloba dina xvYCC.)

Dina hiji paper nu diterbitkeun ku Society for Information Display taun 2006, pangarangna metakeun 769 kelir dina Munsell Color Cascade kana rohangan BT.709 jeung rohangan xvYCC. 55% tina kelir Munsell bisa dipetakeun kana gamut sRGB, tapi 100% kelir eta bisa dipetakeun kana gamut xvYCC.[2] Kelir u leuwih kolot bisa dijieun - contona beureum kolot bisa dijieun ku cara mere koefisien negatif kana kelir nu lalawanan.

Mekanisme keur mawa definisi sabudeureun gamut keur xvYCC geus didefinisikeun dina Spesifikasi HDMI 1.3. Sok sanajan fitur kelir anyar liana dina HDMI 1.3, Kelir Kolot (Deep Color), henteu diperlukeun keur ngangkut informasi kelir xvYCC, Deep Color geus ilahar dihubungkeun jeung xvYCC sabab fitur-fitur ieu dipake babarengn dina sistim CE high-end pikeun ngaronjatkeun kualits gambar nu ditempo. Di saluhureun 480p jeung 576p, sistim Deep Color kudu make kabel HDMI Kategori 2 (dituduhkeun ku hiji logo), nu cocog keur link clock rate saluhureun 75MHz.[3]

Rujukan[édit | sunting sumber]

  1. "HDMI 1.3 Update". HDMI Licensing. 17 Séptémber 2006. Diakses pada 30 Agustus 2006. 
  2. Matsumoto et al, 19.2: xvYCC: A New Standard for Video Systems using Extended-Gamut YCC Color Space, SID '06 Digest, pp. 1130-1133. Available from http://www.sid.org.
  3. Keur mode EDTV (480p jeung 576p), data Deep Color 12-bit oge bisa diangkut sapanjang tumbu make clock well sahandapeun wates rubak pita dina kabel Kategori 1.

Tempo oge[édit | sunting sumber]

Tumbu luar[édit | sunting sumber]


CIE1931simple.png


Nuvola apps ksim.png