YPbPr

Ti Wikipédia, énsiklopédia bébas basa Sunda
Luncat ka: pituduh, sungsi
Judul nu bener keur artikel ieu nyaéta YPBPR. Katingalina henteu bener di dieu téh alatan wawates téhnis.
YPBPR nyaéta sinyal vidéo analog nu dibawa ku kabel vidéo komponén. Kabel héjo mawa Y, bulao mawa PB tur beureum mawa PR.

YPBPR[1] nyaéta hiji rohangan kelir nu dipaké dina éléktronika vidéo, hususna nujul kana kabel vidéo komponén. YPBPR mangrupakeun vérsi analog tina rohangan kelir YCBCR; duanana panomeranana sarua, tapi YPBPR dirancang keur dipaké dina sistim analog sedengkeun YCBCR dimaksudkeun keur vidéo digital.

Alatan mindeng YPBPR dikedalkeun sacara gancang ku cara nilepkeun letah, YPBPR mindeng kabel Yipper.[2] YPBPR ilahar disebut "vidéo komponén", tapi ieu ogé salah, sabab loba kénéh wanda vidéo komponén liana (RGBHV, RGBs, RGsB, Y/C, jsb.).

YPBPR dikonvérsi tina sinyal vidéo RGB, nu dibagi jadi tilu komponén, Y, PB, katut PR.[3]

  • Y mawa informasi luma (brightness).
  • PB mawa beda antara bulao jeung luma (B − Y).
  • PR mawa beda antara beureum jeung luma (R − Y).

Sinyal héjo henteu dikirimkeun alatan bisa dicokot tina informasi bulao, beureum katut luma. Hal ieu dilakukeun pikeun nyegah ngirim informasi nu kaleuleuwihi.

Tempo kaca YCBCR keur sasaruaan keur nangtukeunana. Kabel beureum, bulao katut héjo henteu béda sacara fisik tina kabel vidéo komposit (kajaba kelirna) tur bisa dipaké piligenti sapanjang henteu nukeur-nukeur kelirna ti puhu ka tungtung.

Sababaraha kartu vidéo datang jeung terminal Video In Video Out (VIVO) keur ngahubungkeun kana pakakas video komponen.

Format ieu ukur keur video: Audio (sora) bakal ngabutuhkeun kabel sora tambahan. Keur stereo bakal perlu sapasang kabel dua kawat konektor RCA.

  1. Mindeng ditulis YPbPr tur dirujuk oge minangka Y/PB/PR, YPRPB, PRPBY, PBPRY, Y/Pb/Pr, YPrPb, PrPbY, PbPrY, Y/R-Y/B-Y, Y(R-Y)(B-Y), Y, R-Y, B-Y.
  2. High-Def Terminology at Amazon.com
  3. Even Powell (2001-02-26). "So what is "Component Video" anyway?". ProjectorCentral. Diakses pada 31 Oktober 2006. 
CIE1931simple.png


Nuvola apps ksim.png