Aora TV

Ti Wikipédia Sunda, énsiklopédi bébas
Loncat ke navigasi Loncat ke pencarian
Aora TV Satelit
TypeTV satelit berlangganan
BrandingAora
CountryIndonesia
MottoAsyiknya 24 jam
Broadcast areaNasional
Launch date8 Agustus 2008

Aora TV nyaéta salah sahiji setasion télévisi berlangganan di Indonésia.

Sajarah[édit | édit sumber]

Aora diluncurkeun tanggal 8 Agustus 2008 di Jakarta. Produk mimiti anu ditawarkeun nyaéta paket perdana kawates Olimpiadé Beijing 2008 hungkul, anu kasusun ti 10 kanal: 3 lokal jeung 7 internasional. Aya ogé 4 kanal anu dihususkeun jang siaran-siaran Olimpiadé teu eureun-eureun.

Aora nawarkeun pakét Liga Inggris sabada manéna berhasil miboga hak siar Liga Utama Inggris di Indonesia periodé musim 2008-2009 anu mimita dipiboga ku Astro Nusantara. Berakhirna kerja sama Astro All Asia Networks plc jeung PT. First Media Tbk. (bagian ti Lippo Group) dina PT Direct Vision, operator Astro Nusantara, dimanfaatkeun ku Aora jang meunangkeun lisensi penyelenggaraan Liga Inggris di Indonesia.

Tanggal 16 April 2009, Aora ngaganti saluran Goal TV 1, Goal TV 2, SCTV, History Channel, jeung Crime & Investigation ku saluran-saluran anyar saperti Star Movies, Star World, Eurosport, National Géographic Adventure, jeung National Géographic Wild. Aora ogé nerapkeun aturan penomoran anyar ka tiap-tiap salurana jadi ngagunakeun 3 digit angka. Saprak tanggal 15 Agustus 2009, Aora geus teu nayangkeun saluran ESPN jeung Star Sports ku sabab hak siar Liga Utama Inggris geus béak jangka waktuna. Akhirna dua saluran ieu digantikeun ku Goal TV 1 jeung Goal TV 2. Dina waktu anu sarua, Aora ogé nambahkeun 12 saluran anyar jeung 1 saluran panembong kana daftar salurana.

Di awal taun 2010, masa depan Aora sempet poék ku sabab manéhna mecat 90% pegawéna sarta réa pelanggan anu eureun langganan ka televisi ieu. Sababna, memang perkara hak siar Liga Inggris anu geus teu dicekel deui ku Aora, jadi televisi ieu dianggap geus leungiteun daya tarik utamana. Tapi hal ieu dibantah ku managing director Aora, Guntur S. Siboro. Anjeuna nyebutkeun yén Aora keur nyusun ulang struktur perusahaanna jeung bakal ngabenerkeun sarta nambah konten-kontenna saacan taun 2010 béak. Jangji éta kabuktian ku obahna tampilan loka Aora di akhir taun 2010 sarta ayana 2 pakét anyar anu ditawarkeun nyaéta Paket Asyik (harga 59.000 eusina 26 saluran barudak leutik jeung kaluarga) jeung Paket Cihuy (harga Rp 99.000 ribu per bulan eusina 36 saluran)[1]. Ku nerbitkeun pakét-pakét anyar ieu, Aora yakin yén peluang bisnis di sektor televisi langganan ieu masih kénéh gedé.

Di awal taun 2011, Aora nambahkeun deui 2 pakét anyar nyaéta Pakét Siip jeung Pakét Mantap. Salajengna Aora ogé ngayakeun saluran resolusi tinggi (HDTV) ti tanggal 1 November. Saluran ieu bisa ditingali lamun pelanggan nyéwa dekoder husus HD atawa ngalanggan Paket Marvel HD anu eusina 67 saluran standar jeung 6 saluran HD. Aora ogé nayangkeun deui saluran ESPN jeung Star Sports dina Paket Olahraga. Opat saluran HBO anu awalna ngan aya di Paket Mantap, ayeun bisa ditongton ogé lamun pelanggan meuli Paket HBO.

Pangsa pasar Aora kiwari teu kawates di kalangan nengah ka luhur hungkul. Tarif iuran anu relatip kajangkau nyaéta mimiti harga 59.000 rupiah, Aora ayeuna keur usaha jang nguasai kelas nengah ka handap anu hayang tongtonan nu berkualitas. Aora ogé ngalegaan wewengkona nepi ka daerah pelosok Indonesia ku muka kantor-kantor cabang di tiap ibukota propinsi.

Tanggal 23 Maret 2015, Aora ngumumkeun liwat surélék husus ka pelanggana yén layananna bakal ditutup nanging manehna bakal balik deui ngahadirkeun layanan anu anyar anu ngawajibkeun kabéh pelangganna anu masih hayang maké layanana jang ngalakukeun daptar ulang. Salila taun 2015, réa pelanggan Aora anu masih kénéh bisa ningali channel-channel Aora ku sabab can aya pengumuman resmi yén kabéh layanan Aora ditutup. Sempet aya ogé oknum-oknum anu ngamangpaatkeun kabingungan palanggan ieu ku ngirimkeun tagihan palsu[2]. Napi ka ayeuna, can aya kabar deui yén layanan Aora geus aktif.

Referensi[édit | édit sumber]

  1. "Aora TV Kembali Beroperasi" (dalam bahasa id-ID). Tempo. 2011-01-24. https://tekno.tempo.co/read/308497/aora-tv-kembali-beroperasi. Diakses pada 2018-11-27 
  2. ninori. "CHANEL AORA TV satu persatu ditutup & dihilangkan!!!" (dalam bahasa ID). KASKUS. https://www.kaskus.co.id/thread/54cdb60196bde6c1538b4574/chanel-aora-tv-satu-persatu-ditutup-amp-dihilangkan/12/?order=asc. Diakses pada 2018-11-27