Arus listrik saarah

Ti Wikipédia, énsiklopédia bébas basa Sunda
Luncat ka: pituduh, sungsi
Sawatara conto listrik arus saarah

Listrik arus saarah (Basa Indonésia: Arus searah Basa Walanda: Gelijkstroom Basa Inggris: Direct Current sarta disingket DC) nyaéta kocoran arus listrik anu tetep ti poténsial luhur ka poténsial handap. Ilaharna ngocorna listrik ieu lumangsung dina hiji konduktor kawas kabel, tapi bisa ogé lumangsung dina semikonduktor, isolator, atawa ogé rohang hapa kawas pancaran éléktron atawa pancaran ion. Dina listrik arus saarah, muatan listrik ngocor ka hiji arah, béda jeung listrik arus bulak-balik (basa Inggris: Alternating Current (AC)). Istilah lawas anu dipaké saméméh listrik arus saarah nyaéta arus galvanis.

Aluran tanaga listrik komérsil munggaran (anu dijieun ku Thomas Edison dina tungtung abad ka 19) ngagunakeun listrik arus saarah. Alatan listrik arus bulak-balik leuwih gampang dipaké dibandingkeun jeung listrik arus saarah pikeun ngalurkeun sarta ngabagi tanaga listrik, di jaman ayeuna ampir kabéh aluran tanaga listrik ngagunakeun listrik arus bulak-balik.