ADSL
Asymmetric Digital Subscriber Line, nu disingket ADSL, nyaéta salah sahiji wangun Digital Subscriber Line, téknologi komunikasi data anu bisa ngirimkeun data ngaliwatan kabel tambaga dina telepon publik nu leuwih gancang batan modem konvénsional anu aya.
Sipat anu ngabédakeun ADSL ti xdsl nyaéta kapasitas aliran data ADSL dina sahiji arah leuwih gedé batan arah nu séjénna atawa disebut ogé asimétris. Para panyadia jasa telekomunikasi biasana masarkeun ADSL pikeun langganan nu nyambung kana Internet pikeun tujuan ngunduh (download) ti Internet sarta henteu pati merlukeun pikeun ngirim data atawa pikeun ngajalankeun server anu tangtu waé kacida merlukeun rubakpita anu lega ti sagala arah.
Pikeun ADSL konvénsional, rata-rata laju downstréam dimimitian tina 256 kbit/s sarta umumna bisa ngahontal 8 Mbit/s dina jarak 1,5 km ti kantor tempat séntral telepon anu dilengkepan DSLAM atawa remote terminal. Rata-rata laju upstream dimimitian tina 64 kbit/s sarta umumna bisa ngahontal 256 kbit/s sarta sakapeung bisa ogé ngaronjat nepi ka 1024 kbit/s. Ngaran ADSL Lite biasana dipaké pikeun ADSL vérsi anu leuwih laun.
Tumbu kaluar
[édit | édit sumber]- (en) The UNH-IOL DSL Knowledge Base
- (en) DSL Forum
- (en) ADSL, ADSL2 and ADSL2+ Speeds and Reach Compared Archived 2008-01-11 di Wayback Machine
- (en) ADSL installation
- (en) ADSL Research Report Archived 2008-05-31 di Wayback Machine