Batu métamorfosis

Ti Wikipédia Sunda, énsiklopédi bébas
Kuarsit, salasahiji wanda babatuan métamorfosis

Batu métamorfosis nyaéta salah sahiji golongan utama babatuan anu mangrupa hasil transformasi atawa obahan tina hiji wanda babatuan anu geus aya saméméhna, protolith, ku hiji prosés anu disebut métamorfisme, anu hartina "parobahan wangun". Protolith anu dikeunaan panas (leuwih panas ti 150 °Celsius) sarta tekenan luar biasa baris ngalaman parobahan fisika sarta/atawa kimia anu badag. Protolith bisa mangrupa batu sédimén, batu beku, atawa batu métamorfosis séjén anu leuwih kolot. Sawatara conto batu métamorfosis nyaéta gneis, batu sabak, batu marmer, jeung skist.

Batu métamorfosis mangrupa lolobana tina kerak Bumi sarta digolongkeun dumasar kana tékstur, susunan kimia sarta mineral (fasies metamorf). Maranéhanana kabentuk jauh di handap beungeut bumi ku tekenan anu badag ti babatuan di luhurna sarta suhu luhur. Maranéhanana ogé kabentuk ku intrusi batu lebur, disebut magma, ka jero batuan padet sarta kabentuk utamana waktu paantelna magma jeung babatuan anu boga suhu panas.

Panalungtikan batuan métamorfosis (ayeuna kasingkabkeun ka beungeut bumi alatan érosi sarta pangangkatan) jadi informasi anu pohara gedé ajenna ngeunaan suhu sarta tekenan anu lumangsung jauh di jero beungeut bumi.

Tumbu ka luar[édit | édit sumber]