Bledug Kuwu

Ti Wikipédia Sunda, énsiklopédi bébas
Loncat ke navigasi Loncat ke pencarian
Bledug Kuwu

Bledug kuwu nyaéta hiji fénoména gunung api leutak (mud volcano) nu aya di Désa Kuwu, Kacamatan Kradénan, Kabupatén Grobogan, Propinsi Jawa Tengah. Bituna ieu leutak ngandung uyah sarta lumangsung ampir terus-terusan.

Legenda[édit | édit sumber]

Nurutkeun carita, Bledug Kuwu téh liangna nyambung nepi ka Laut Kidul. Liang ieu mangrupa torowongan urut jalan mulih Jaka Linglung ti Laut Kidul ka Karajaan Medang Kamulan satutasna manéhna ngéléhkeun Prabu Déwata Cengkar nu geus robah jadi buhaya bodas di Laut Kidul. Jaka Linglung bisa nyieun liang sarupa kitu sabab manéhna bisa mangrupa oray naga salaku sarat sangkan diaku salaku anak Aji Saka.

Géologi[édit | édit sumber]

Skéma fénoména gunung api leutak

Sacara géologis, fénoména gunung api leutak ieu teu anéh. Di tempat séjén loba kajadian nu sarupa kieu, di antarana di Palo Seco, Républik Trinidad & Tobago, Afrika.

Kandungan uyah[édit | édit sumber]

Ayana Bledug Kuwu ieu, nu caina ngandung uyah, ku masarakat sabudeureunana dimangpaatkeun pikeun bahan ngadamel uyah sacara tradisional. Carana ku nampung cai tina Bledug Kuwu kana glagah (awi nu dibeulah dua), lajeng digaringkeun.