Josephine Butler
| Josephine Butler | |
|---|---|
 Josephine Butler | |
| Gumelar | Josephine Elizabeth 04 Januari 1828 Northumberland, Inggris |
| Tilar dunya | 30 Désémber 1906 (yuswa 78) |
| Kabangsaan | Inggrisn |
| Ngaran landian | Butler |
| Pagawéan | Feminist |
Josephine Butler nyaéta feminis Inggris, lahir dina tanggal 13 April 1828 di Northumberland.[1] Bapana katelah John Gray mangrupa salah saurang pendukung kuat répormasi sosial jeung juru kampanye nolak ayana perdagangan budak.[1] Sedengkeun Josephine nyaéta nu mawa parobahan sosial di Inggris dina abad ka-19, sarta boga peran salaku jalma anu ngaronjatkeun kondisi nu leuwih hadé pikeun para wanoja dina widang atikan jeung kaséhatan.[1] Josephine kawin ka Goerge Butler dina taun 1852, Butler mangrupa saurang akademisi kalayan boga pandangan politik anu sarupa jeung Josephine.[1] Josephine jeung Butler boga opat anak, hanjakal dina taun 1863, salah sahiji budak awéwéna tilar dunya dina umur genep taun.[1] Kajadian ieu jadi cikal bakal pikeun Josephine pikeun terjun kana kagiatan aman anu patali jeung hak-hak wanoja.[1] Ieu kagiatan téh salah sahiji cara pikeun mopohokeun kajadian sarta pikeun ngungkulan kanalangsana ditinggalkeun ku anakna.[1] Josepine jadi bagian tina kelompok anu maksa parlemén pikeun naékeun umur anu disatujuan tina 13 taun jadi 16 taun.[2]
Kahirupan Josephine
[édit | édit sumber].jpg)
Ngabogaan ngaran lengkep Josephine Elizabeth Butler, anu mangrupa saurang féminis Victoria jeung mangrupa nu mawa parobahan sosial anu terus-terusan ngawanohkeun ngeunaan hak pilih wanoja pikeun dunya atikan anu leuwih hadé batan saméméhna, dihapuskeunna prostitusi anak sarta dipungkasna prakték perdangan manusa pikeun waoja nu masih ngora sarta barudak pikeun dijadikeun pelacur.[3] Josephine dilahirkeun di Mifield dina bulan April 1828, kalayan dina kulawarga anu beunghar.[3] Josephine mangrupa anak awéwé anu ka opat sarta anak ka tujuh ti pasangan Hannah jeung John Gray anu mangrupa salah saurang agén pertanahan jeung ahli pertanian.[3][4] Josephine disakolakeun di imah, sarta maca rupa-rupa literasi dina basa Inggris jeung basa Italia sarta tarjamahan para Bapa Geréa.[5] Josephine mangrupa wanoja anu tumuwuh pikeun babagi prinsip agama jeung moral bapana sarta kateuresepanna kana kateuadilan.[4] Dina taun 1833 kulawarga Josephine pindah imah, lantaran Josephine, Jhon Gray dipercaya salaku ménéjer Rumah Sakit Greenwich di Dilston deukeut ka Corbridge, Nothreland.[3] John Gray ngadidik anak-anakna kana isu-isu politik, sarta anak-anakna didik dina perlakuan anu satata, ku kituna didikanna gedépisan pangaruhna ka Josephin. Kitu ogé ajaran agama anu diajarkeun ku indungna.[3]Pangéran Leopold kungsi katarik ati, malah nganggap Josephine salaku wanoja panggeulisna saalam dunya.[4] Dina bulan Oktober 1852, Josephine dina umur 24 taun kawin jeung Goerge Butler anu mangrupa saurang sarjana jeung saurang ulama, asalna ti Exetra Collage, Oxford.[3][5] George mupakat jeung Josephine pikeun komitmen dina répormasi ribelaral jeung micinta kana budaya Italia.[3] Butler jeung Josephin boga budak nu mungaran dina taun 1852 ngaranna George Gray Butler, anak ka dua lahir dina taun 1854 dingaranan Arthur Stanley, anak ka tilu, anu lahir dina taun 1857 dingaranan Charles sarta anak bungsuna awéwé lahir taun 1859 dingaranan Evangeline Mary.[3] Hanjakal, Arthur jeung Evangeline tilar dunya alatan nandangan panyakit.[3]Satuluyna Josephine pindah ti Oxford ka Clifton dina taun 1856, sarta George diangkat jadi kapala sakola Liverpool Colage.[6] Di dieu pisan, Josephine neruskeun kagiatan sosialna pikeun mérépanangtayungan ka sababaraha wanoja tunawisma anu sering jadi pelacur, anu akibatna ngabogaan panyakit kelamin.[3] Di Liverpool, Josephine nyieun asrama sarta loba dituturkeun di kota-kota séjénna.[3] Josephin mimiti kampanye dina taun 1869 pikeun ngalawan Undang-undang Penyakit Menular taun 1866 jeung taun 1869, ngeunaan upaya ngurangan panyakit kelamin di angkatan bersenjata.[3] Mangsa harita, pulisi diidinan pikeun nangkep wanoja-wanoja anu caricing di palabuan jeung kota-kota militér anu dianggap pelacur jeung maksa maranéhna pikeun dipariksa.[3] Ku ayana éta kajadian, Josephine sering mapay-mapay saban kota pikeun nepikeun pamadeganna ngaliwatan biantara-biantarana anu ngutuk éta tindakan.[3] Ku kawanina, loba masarakat anu ngarasa héran, geuning aya wanoja anu wanian cumarita di hareupeun jalma loba ngeunaan éta tindakan, malah teu saeutik anu nganggap yén Josephin mangrupa sakutu ti para pelacur.[3] Taun 1881 Josephin kungsi ngolo parlemén sangkan naékkeun standar umur kawain para wanoja.[7] Dina taun 1883, perjuangan Josephin kakara katingali hasilna, kahayang Josephine anu naékkeun umur cukup pikeun kawin tina 13 taun disatujuan jadi 16 taun, sarta carita panyakit nu népa ditangguhkeun.[4] [8]Hanjakal, tilu taun satuluyna dicabut deui.[3] Dina taun 1867 Josepine kungsi ngagabung jeung Anne Jemima Clough pikeun ngadegkeun kursus lanjutan para wanoja. Satuluyna Josephine diangkat jadi présidén Déwan Inggris Utara dina widang atikan wanoja.[4] Taun satuluyna, Josephin kalibet dina kampanyeu pikeun ngolo Universitas Cambridge pikeun méré luang anu leuwih loba ka para siswa wanoja.[4] Kampanyeu ieu ngabuahkeun hasil, satuluyna ngadegkeun Newham Collage sakola pikeun para wanoja.[4] Dina tanggal 30 Désémber 1906 Josephine tilar dunya.[4] Sedengkeun salakina alatan gering parna, anu geus ngadukung sapinuhna tilar dunya dina taun 1886.[5]
Buku
[édit | édit sumber]Dina taun 1868 Josephine medalkeun bukuna, anu judulna nyaéta The Education and Employment. Dina taun satuluyna, nerbitkeun deui buku, anu jdulna Women's Work and Women's Culture.[4] DIna buku ieu Josephine nepikeun pamadeganna yén awéwé teu meunang nyoba-nyoba nyaingan lalaki, sabab antara awéwé jeung lalaki ngabogaan peran anu béda di masarakat.[4] Ieu pamadegan téh nguciwakeun sababaraha tokoh féminis upamana Emily Davies anu mikahayang para wanoja bisa bersaing kalayan sarat bisa sajajar jeung kaum lalaki.[4] Sedengkeun Josephine percaya yén awéwékudu milih, sabab maranéhna béda jeung kaum lalaki.[4] Josephine boga pamadegan yén wanoja nyaéta pikeun nangtayungan jeung ngurus nu kemah sarta hak pilih wanoja kacida pentingna pikeun moralitas jeung karaharjaan bangsa.[4]
Koléksi Ngeunaan Josephine di Pabukon Liverpool
[édit | édit sumber]Salah sahiji tempat anu masih kénéh nyimpen barang-barang anu patali jeung Josephine nyaéta Pabukon Liverpool. Salah sahiji kolési nasional, utamana patali jeung Josephine nyaéta berkas korépondénsi, surat-surat pribadi, lukisan, potrét, potongan-potongan pérs sarta memorabilia, asrsip imah memorial jeung sajabana.[9] Koléksi anu aya eusina leuwih ti 35o volume buku jeung pamplét kaasup majalah kontémporér upamana The Shield jeung Laporan Karajaan taun 1871 anu asli ngeunaan lumangsungna panyakit nu népa.. Sarta, loba di antarana anu dipimilik ku Josephine jeung anak cikalna. Kolési koréspondénsi Jusephine nyaéta koléksi panggedéna di luar pabukon wanoja, nyéa 155 surat.[9]
Rujukan
[édit | édit sumber]- ↑ a b c d e f g "BBC - History - Josephine Butler". www.bbc.co.uk (dalam en-GB). Diakses tanggal 2020-02-27.
- ↑ "Josephine Butler". Dangerous Women Project (dalam en-GB). Diakses tanggal 2020-02-27.
- ↑ a b c d e f g h i j k l m n o p "Josephine Butler (1828-1906) | Towards Emancipation?". hist259.web.unc.edu. Diakses tanggal 2020-02-27.
- ↑ a b c d e f g h i j k l m "Josephine Butler". Spartacus Educational. Diakses tanggal 2020-02-27.
- ↑ a b c "Josephine Butler, Pioneer Worker Among Women". justus.anglican.org. Diakses tanggal 2020-02-27.
- ↑ "Josephine Butler: 19th century campaigner against human trafficking". Winchester Cathedral (dalam en-US). Diakses tanggal 2020-02-27. Archived 2019-07-20 di Wayback Machine
- ↑ MOORE, RODERICK (27 02 2020). "JOSEPHINE BUTLER (1828-1906): FEMINIST, CHRISTIAN AND LIBERTARIAN". http://www.libertarian.co.uk/lapubs/libhe/libhe010.pdf. http://www.libertarian.co.uk/lapubs/libhe/libhe010.pdf. Archived 2016-03-03 di Wayback Machine
- ↑ "Josephine Butler | Champion of Women's Rights | Blue Plaques". English Heritage. Diakses tanggal 2020-02-27.
- ↑ a b Higham, Jenny. "Library Guides: Special Collections & Archives : Josephine Butler Collection". libguides.liverpool.ac.uk. Diakses tanggal 2020-02-27.