Gedong Juang 45 Kota Sukabumi
Gedong Juang 45 Kota Sukabumi atawa dina basa Indonésia Gedung Juang 45, pernahna aya di Jalan Veteran II Kota Sukabumi.[1] Gedong Juang 45 ngadeg ditaun 1906. Ieu tempat baheulana miboga fungsi pikeun tempat panglawungan warga, ku lantaran kitu ieu tempat mindeng disebut societeit soekamanah. Dumasar kana sajarah, Gedong Juang 45 baheulana mangrupakeun wangunan Hotél Victoria, anu bogana mangrupakeun pangusaha Jerman ngaranna AA Lenne atawa mindeng disebut Tuan Leni. Sanajan ieu tempat mangrupakeun hotél, nanging ieu gedong mindeng digunakeun pikeun tempat masarakat ngariung.[2]
Kamerdékaan
[édit | édit sumber]Warta ngeunaan Indonésia merdéka di 17 Agustus 1945 dibéwarakeun ka sakabéh wilayah di Indonésia, nepi ka aya iberna di Kota Sukabumi. 21 Agustus 1945 di Kota Sukabumi aya peristiwa pikeun ngarebut kakawasaan ti panjajah, pikeun nyokot BPU (anu kiwari Gedong Juang 45). Tarékah pikeun nyokot kakawasaan ti panjajang dilaksanakaeun kalayan sistematis, sanajan dina prungna ngan saukur ngagunakeun pakakas anu basajan, kawas pakarang bambu runcing, bedog, jeung pakarang-pakarang séjénna. Sanggeus BPU kapimilik deui ku masarakat Sukabumi, éta tempat dijadikeun markas panglawungan pikeun pajoang pikeun nyusun stratégi sangkan kota Sukabumi teu kajajah deui.[1]
Dumasar kana sajarahna, wangunan anu harita dingaranan BPU robah jadi Gedong Juang 45. Hal ieu dilantarankeun, ieu tempat mangrupakeun hal mimiti anu bisa rebut sanggeus Indonésia merdéka. Di hareup Gedong Juang 45 aya tugu monumén pajoangan anu dilambangkeun ku pakarang tradisional kawas bambu runcing, bedog, jeung sanjata api.[1]
Pasca Kamerdékaan
[édit | édit sumber]Kiwari, Gedong Juang 45 dijadikeun museum perjuangan. Di jerona aya barang-barang sajarah jeung dokumén sajarah anu aya patalina jeung kamerdékaan Indonésia. Lian ti éta, ieu tempat sok digunakeun pikeun ngalaksanakeun upacara Hari Kemerdekaan Indonesia diunggal taunna. Gedong Juang 45 geus sababaraha kali dirénovasi, kiwari ieu gedong jadi ikon sajarah di Kota Sukabumi.[3]
Référénsi
[édit | édit sumber]- ↑ a b c Sumarsdi, Endang. "GEDUNG JUANG 45 KOTA SUKABUMI PUSAT PERJUANGAN – Portal Resmi Kota Sukabumi". portal.sukabumikota.go.id. Diakses tanggal 2023-04-02. Archived 2023-04-02 di Wayback Machine
- ↑ Fitriansyah. "Kisah-kisah Heroik dari Gedung Juang 45 Sukabumi, 4 Hari Pasca Proklamasi Kemerdekaan - Sukabumi Update". Kisah-kisah Heroik dari Gedung Juang 45 Sukabumi, 4 Hari Pasca Proklamasi Kemerdekaan - Sukabumi Update (dalam Indonesian). Diakses tanggal 2023-04-02.
- ↑ -, Yota. "Sejarah Gedung Juang 45 Kota Sukabumi | Sukabumi Ku" (dalam Indonesian). Diakses tanggal 2023-04-02.