Gelap

Ti Wikipédia, énsiklopédia bébas
Luncat ka: pituduh, paluruh
Animasi cahaya gelap ti peuting

Gelap nyaéta sora kilat lantaran dina tapakna diadu hawa [1]. Gelap bisa muncul lantaran ayana béda poténsial muatan antara méga jeung bumi, atawa méga jeung banda séjénna. Muatan nu aya dina éta awan téh bisa aya ku sabab awan tuluy obah kalawan angger.

Salila dina robahna, éta méga téh bakal silih interaksi jeung awan séjénna nu antukna muatan négatif bakal ngumpul dina salah sahiji sisi. Sedengkeun muatan positif bakal ngumpul dina sisi sabalikna. Biasana ieu téh lumangsung saméméh méga nurunkeun hujan.

Awanna sorangan mangrupa mangyuta-yuta titik cai jeung és beku dina udara. Salila prosés interkasi, éta titik-titik cai téh tuluy keuna jeung awan séjénna anu keur robah deui jadi cai (kondésasi) ka luhur. Ieu pagedrugna titik-titik cai téh ngakibatkeun muatan négatif (éléktron) ragrag.

Éta éléktron téh ngumpul dina bagian handap anu méré muatan négatif jeung awan anu naék anu leungiteun éléktron, mawa muatan positif ka luhur.

Dina ieu undak, udara anu naék mibanda kamampuh pikeun mawa muatan positif ka awan bagian luhur. Ana bagian beku séjénna bakal ragrag ka bagian awan panghandapna atawa nuju kana taneuh. Kombinasi antara pagedrugna jeung bekuna téh nyababkeun ayana béda muatan anu pohara gedéna, jeung ngakibatkeun ayana samberan gelap.

Gelap leuwih sering aya dina usum hujan, lantaran dina ieu kaayaan udara ngandung kadar cai anu leuwih luhur. Antukna daya isolasina turun jeung arus leuwih gampang ngalir. Sabab aya awan anu muatanna négatif jeung muatanna positif. Ku kituna gelap ogé bisa muncul antar-awan anu béda muatanana [2].

Sumber[édit | édit sumber]

  1. R.A. Danadibrata. 2006. Kamus Basa Sunda. Bandung: PT Kiblat Buku Utama
  2. (id) [1] Proses Terjadinya Petir dan Bagaimana Menangkalnya