Lompat ke isi

Hiu sirip hideung

Ti Wikipédia Sunda, énsiklopédi bébas
Hiu sirip hitam
Klasifikasi ilmiah
Karajaan:
Animalia
Filum:
Chordata
Kelas:
Chondrichtyes
Ordo:
Carcharhiniformes
Kulawarga:
Carcharhinidae
Génus:
Carcharhinus
Spésiés:
C.Limbatus

Hiu sirip hitam (Carcharhinus limbatus) nyaéta hiu anu hirup di cai nu déét. Dingaranan kitu téh lantaran dina unggal tungtung siripna aya warna hideungan. [1][2] Hiu ieu asup kana status Near Threatened nurutkeun IUCN (International Union for Conservation of Nature).[3][4]

Sumebarna Hiu Sirip Hideung

[édit | édit sumber]
Hiu sirip hideung ngojay dina laut déét di Oahu, Hawaii

Ieu jenis hiu sirip hideung téh sumebar di sakuliah dunya, boh dina laut tropis boh di laut subtropis.[2] Sumebarna ieu hieu di samudra Altantik bisa kapanggih ti mimiti Massachusetts nepi ka Brazil, kaasup Teluk Mexico jeung Laut Karibia, sarta ti Laut Tengah, Madeira, Kapuloan Canaria nepi ka Républik Démokratik Kongo.[2] Ieu hiu ogé hirup di pasisian samudra HIndia, nyaéta mimiti ti Afrika Kidul jeung Madagaskar, nepi ka Jazirah Arab jeung subbuana India, nepi ka Asia Tenggara.[2] Di wewengkp kulon ti samudra Pasifik, ieu hiu téh bisa kapanggi ti kapuloan Ryukyu, Jepang nepi ka wewengkon kalér di Australia, kaasu wewengkon kidul Cina, Filipina jeung Indonésia.[2] Ari di wewengkon wétan samudra Pasifik, ieu hiu hirup ti California Kidul nepi ka Péru.[2] Laporan séjén anu manggihan ieu hiu nyaéta katingali di sawatara pulo di samudra Pasifik, kaasup di Kalédonia Anyar, Tahiti, Kapuloan Marquesas, Hawaii, Kapuloan Revillagigendo, jeung Kapuloan Galapagos.[2]

Di Gilimanuk, Bali ogé mindeng kapanggih hiu sirip hideung anu teu kahaja beunang ku pamayang.[5][6] Hiu sirip hideung jadi target komersial di basisir tenggara Amérika. Spésiés ieu aya dina posisi kadua dina widang perikanan sanggeus Hiu Sandbar.[7]

Wangun (morfologi) Hiu Sirip Hideung

[édit | édit sumber]
Juru selam ngojay jeung hiu sirip hideung

Hiu sirip hideung asalna tina famili Carcharhinidae.[1] Ieu hieu téh mindengna mah kapanggih di lau tropis jeung non tropis di sakuliah dunya.[1] Ukuran awakna biasana kira-kira 1,5 méter.[1] Unggal jenis hiu ieu duduluran kénéh jeung hiu lonjor.[1] Saperti hiu séjénna, hiu sirip hideung baranahan ku cara vivipar atawa ngalahirkeun, kira-kira 1-10 siki dina sataun.[1] Hiu anu can sawawa méakkeun waktu sababaraha bula dina mangsa hirupna anu munggara di laut anu déét, sarta hiu bikang sawawa bakal balik deui ka tempatna basa mimiti megar, pikeun ngendogkeun generasi anyar.[1]

Hiu sirip hideung boga dua sirip tonggong, anu hiji mah ajeg panjang ka luhur, ari nu hijina deui mah pondok.[1] Huntuna sareukeut.[1] Wangun awakna saperti torpédo anu matak ngamungkinkeun manéhna bisa ngojay kalawan gancang.[1] Wangun sirip buntutna saperti hurup "v", aya ogé anu wangunna saperti bulan sabit. Boga sapasang sirip dada jeung dua sirip anal anu misah.[1] Wangun sirahna saperti moncong.[1] Umumna bagian luhur awakna warna coklat semu abu-abu, awak handapna pulas bodas.[1] Panonna gedé, bolotot.[1] Unggal tungtung siripna aya warna hideungan, nu matak jadi ciri has pikeun hiu ieu.[1]

Panjang maksimum hiru sirip hideung kira-kira 255 cm). Ukuran waktu lahir mah 53-65 cm. Ari anu geus sawawa kira-kira 150 cm, beuratna kira-kira 18 kg. Umur manjing sawawa biasana 4-5 taun keur anu jalu, sarta 6-7 taun pikeun anu bikang. Hiu pangkolotna ti spésiés ieu nu kungsi kapanggih umurna 10 taun. [8] Hiu anu geus sawawa teu boga prédator alami anu umum. Tapi, saperti hiu séjénna, nu laleutik kénéh mah ilahar pisan mun dihakan ku hiu anu leuwih gedéna.[9]

  • warna hideung dina unggal tungtung siripna.
    warna hideung dina unggal tungtung siripna.
  • huntu handap
    huntu handap
  • huntu luhur
    huntu luhur

Pamijahan

[édit | édit sumber]
Hiu sirip hideung kawilang lindeuk mun papanggih jeung juru selam.

Di kabupatén Banyuwangi, Jawa Timur, hiu sirip hideung dipijaheun sina baranahan, lantaran kaasup sato anu dilindung sarta dijaga.[10] Ieu pamijahan hiu téh ngahiji jeung Rumah Apung Bangsring.[10] Di Paris, Prancis mah hiu sirip hideung téh geus hasil dipijahkeun dina akuarium. Iwal jadi salah sahiji tarékah sangkan hiu sirip hideung bisa terus aya di alam liar, tempat ieu bisa jadi ogé wahana wisata jeung édukasi. Tempat wisata anu di lautna aya hiu sirip hideung séjénna nyaéta di Laut Banda, Pulau Batu Atas, Buton Selatan, Sulawesi Tenggara.[11] Hiu ieu sok jadi wahana wisata lantaran sipatna anu kawilang lindeuk.[12][13][14] [15]

Sanajan kitu, angger baé spésiés ieu boga poténsi bahaya.[16] Nurutkeun cutatan ti The International Shark Attack File (ISAF) katémbong sapanjang sajarah hiu sirip hideung geus nyerang 29 urang di sabudeureun dunya.[17] Antarana aya di Amérika, Karibia, jeung Afrika Kidul. Anu fatalna mah ngan hiji, réréana beunang tatu nu kawilang énténg.[17]


Rujukan

[édit | édit sumber]
  1. ↑ a b c d e f g h i j k l m n o semuaikan. "Morfologi dan Klasifikasi Ikan Hiu Sirip Hitam (Carcharhinus Limbatus)". Semuaikan.com (dalam id-ID). Diakses tanggal 2020-03-19.  Archived 2019-11-15 di Wayback Machine
  2. ↑ a b c d e f g Compagno, Leonard J. V. (1984-). Sharks of the world : an annotated and illustrated catalogue of shark species known to date. Rome: United Nations Development Programme. ISBN 92-5-101384-5. OCLC 12214754. 
  3. ↑ "Hiu Sirip Hitam (Blacktip Shark)". Save Shark Indonesia (dalam en-US). Diakses tanggal 2020-03-19.  Archived 2020-03-19 di Wayback Machine
  4. ↑ MarineBio. "Blacktip Reef Sharks ~ MarineBio Conservation Society" (dalam en-US). Diakses tanggal 2020-03-19. 
  5. ↑ "9 Hiu sirip hitam tertangkap jaring nelayan di perairan Selat Bali". merdeka.com. Diakses tanggal 2020-03-19. 
  6. ↑ Agency, ANTARA News. "Nelayan Jembrana Lepas Hiu Sirip Hitam". ANTARA News Bali. Diakses tanggal 2020-03-19. 
  7. ↑ "Carcharhinus limbatus". Florida Museum (dalam en-US). Diakses tanggal 2020-03-19. 
  8. ↑ "IUCN Red List of Threatened Species: Blacktip Shark". IUCN Red List of Threatened Species. doi:10.2305/iucn.uk.2009-2.rlts.t3851a10124862.en. Diakses tanggal 2020-03-19. 
  9. ↑ "IUCN Red List of Threatened Species: Blacktip Shark". IUCN Red List of Threatened Species. doi:10.2305/iucn.uk.2009-2.rlts.t3851a10124862.en. Diakses tanggal 2020-03-19. 
  10. ↑ a b Liputan6.com. "Sensasi Mendebarkan Snorkeling Bersama Hiu di Bangsring Banyuwangi". liputan6.com (dalam Indonesian). Diakses tanggal 2020-03-19. 
  11. ↑ Liputan6.com. "Hiu Sirip Hitam Predator Laut Banda". liputan6.com (dalam Indonesian). Diakses tanggal 2020-03-19. 
  12. ↑ "Carcharhinus limbatus". Florida Museum (dalam en-US). Diakses tanggal 2020-03-19. 
  13. ↑ Liputan6.com. "Hiu Sirip Hitam Akrab dengan Manusia". liputan6.com (dalam Indonesian). Diakses tanggal 2020-03-19. 
  14. ↑ ZonaSultra, Redaksi. "Ikan Hiu Sirip Hitam Jadi Tontonan Pengunjung di Stand Konkep | ZonaSultra.com" (dalam id-ID). Diakses tanggal 2020-03-19.  Archived 2020-03-19 di Wayback Machine
  15. ↑ Utami, Reuters/Ranny Virginia. "Ikan Hiu Sirip Hitam Dikembangbiakkan di Akuarium Paris". gaya hidup (dalam id-ID). Diakses tanggal 2020-03-19. 
  16. ↑ "Carcharhinus limbatus". Florida Museum (dalam en-US). Diakses tanggal 2020-03-19. 
  17. ↑ a b "Carcharhinus limbatus". Florida Museum (dalam en-US). Diakses tanggal 2020-03-19. 
Dicomot ti "https://su.wikipedia.org/w/index.php?title=Hiu_sirip_hideung&oldid=674596"