Kartu krédit

Ti Wikipédia, énsiklopédia bébas
Luncat ka: pituduh, paluruh
Conto kartu kredit

Kartu krédit nyaéta "duit plastik" anu dikaluarkeun ku bank pikeun alat pambayaran di tempat-tempat nu tangtu samisal jiga di hotél, réstoran, tempat rékréasi jeung sajabana.[1]

Kartu krédit boga sababaraha jenis, digolongkeun dumasar kagunaan jeung wilayah éta kartu bisa dipakéna.[1] Nurutkeun fungsina kartu krédit dibagi jadi sababaraha jenis nyaéta:

  1. Kartu krédit nyaéta kartu anu bisa dipaké pikeun alat pembayaran transaksi jual beuli banda atawa jasa di mana cara ngalunasan éta barang atawa jasa bisa dibayar sakaligus atawa dicicil ku jumlah anu geus ditangtukeun.[1]
  2. Charge card nyaéta kartu anu bisa dipaké pikeun jadi alat pambayaran barang atawa jasa di mana nasabah kudu mayar deui tagihan kabéh (teu dicicil) di akhir bulan atawa di bulan séjéna ku maké atawa henteu maké biaya tambahan.[1]
  3. Cash card nyaéta kartu anu ngamungkinkeun pamilik bisa nyokot duit tunai di kasir bank atawa di ATM bank anu geus ditunjuk anu biasana loba di tempat-tempat strategis samisal hotél, tempat balanja, rumah sakit jeung sajabana.[1]
  4. Check guarante card dipaké pikeun jadi jaminan lamun dinu narik cék kunu boga kartu. Kartu jenis ieu réa dipaké di Éropa komo di Inggris. Kartu ieu ogé bisa dipaké pikeun nyokot duit langsung di ATM.[1]

Dumasar wilayahna kartu krédit bisa dibagi jadi dua nyaéta kartu domestik jeung kartu internasional.[2]

  1. Kartu palastik lokal (doméstik) nyaéta kartu anu ngan bisa dipaké saukur di wilayah nu tangtu hungkul, samisal ngan bisa dipaké di Indonésia.[2]
  2. Kartu palastik internasional nyaéta kartu anu bisa dipaké di kabéh nagara pikeun jadi alat pambayaran ngagantikeun duit.[2] Kartu ieu didominasi ku dua mérk anu geus kasohor ku sabab bisa nagawasa jaringan di unggal buana di dunya nyaéta kartu Visa jeung Master Card.[2]

Rujukan[édit | édit sumber]

  1. a b c d e f Dahlan siamat, 2001, Manajemen Lembaga Keuangan III, Lembaga penerbit UI, Jakarta
  2. a b c d Kasmir, 2000, Manajemen Perbankan, Raja Grafindo Persada, Jakarta