Kecap rajékan (basa Sunda)

Kecap rajékan nyaéta kecap anu disebut dua kali boh engangna atawa wangun dasarna.^[rujukan?] Salian ti di rajek engang atawa wangun dasarna, ilaharna aya ogé nu ditambahan ku rarangken, bor rarangken hareup atawa rarangken tukang.^[rujukan?]

Kecap Rajekan kabagi kana sababarha jinis, di antarana:

1. Rajekan Dwipurwa

   Rajekan dwi purwa asalna tina dua kecap nyaéta "dwi" nu hartina "dua" jeung "purwa" nu hartina "mimiti atawa awal".^[rujukan?] Rajekan dwi purwa kaasup kana rajekan nu dirajek engangna atawa suku katana.^[rujukan?]

   contona: Mobil jadi momobilan, motor jadi momotoran

nu sejen : tatajong, bebentengan, uulinan sasapu, bebersih, kokolot dsb.

1. Rajekan Dwimadya

   Rajekan dwi madya asalna tina dua kecap nyaéta "dwi" nu hartina "dua" jeung "madya" nu hartina "tengah.^[rujukan?] Jadi rajekan dwimadya nyaéta kecap anu dirajek engang tengahna.^[rujukan?]

   contona: sabaraha jadi sababaraha .^[rujukan?]

2. Rajekan Dwilingga

   Rajekan dwilingga nyaéta kecap anu dirajek wangun dasarna.^[rujukan?] Anu dirajek wangun dasarna bari teu ngarobah sora (Dwimurni), jeung dirajek wangun dasarna bari ngarobah sora (Dwi reka).^[rujukan?]

   Conto kecap rajekan dwimurni: mobil-mobil, motor-motor, jalma-jalma, jrd.^[rujukan?]

   conto kecap rajekan dwireka: Pulang-pelong, luak-lieuk, tual-toel, jrd.^[rujukan?]

3. Rajekan Trilingga

   Rajekan trilingga nyaéta kecap anu dirajek atawa disebut tilu kali wangun dasarna.^[rujukan?] Ilaharna ngan kecap nu dirajek ku rajekan trilingga ngan diwangun ku 3 atawa 4 hurup. Contona: tang-ting-tung, dat-dit-dut, trang-tring-trung, jrd.^[rujukan?]