Masjid Agung Bandung

Masjid Agung Bandung nyaéta Masjid gedé nu di aya di kuloneun alun-alun Bandung jeung nu aya di tengah kota Bandung. Diwangun ku Bupati Bandung R.A. Wiranatakusumah II atawa Dalem Kaum (1794-1829) mimiti abad ka-19 dina raraga ngalengkepan prasarana ibukota Kabupatén Bandung anu pindah ti Dayeuhkolot taun 1810. Dioméan jeung digedéan dina taun 1850, nalika dipimpin ku Bupati Kabupatén Bandung R.A. Wiranatakusumah IV atawa Dalem Bintang (1846-1874), anu di lengkepan ku keramik jeung ku kenténg. Struktur pusat ibukota Kabupatén Bandung sarua jeung ibukota kabupatén-kabupatén lianna di wilayah Cirebon jeung Priangan anu nurutan struktur ibukota Kasultanan Cirebon, nyaéta di tengah-tengah, sabelaheun kidul alun-alun aya Pendopo Kabupatén, belah kulon aya Mesjid, belah kalér aya pasar, jeung dibelah wétan alun-alun aya pangbérokan. Masjid Agung Bandung ngabentuk piramid, runcing ka luhur, lalangitna tilu tingkat, jeung puncakna disebut momolonatawa mastaka sarua jeung mesjid umumna di wilayah Priangan jeung Cirebon. Bentuk mesjid nu ngajadikeun mesjid nu kasohor disebut balé nyungcung. Tina bahasa Sunda dikenalna ungkapan kawin di balé nyungcung, hartina nikah di mesjid. Tina awal taun 1950-an, Présidén Ir. Sukarno pernah ngagambar skétsa mesjid anyar, nalika muncul sora-sora Bandung rék dijadikeun ibukota Républik Indonésia. Ti awal taun 1980-an mesjid ieu dirombak kabéh sahingga jiga nu ayeuna henteu ngacerminkeun balé nyungcung.