Pamaké:Anagadini
KIDUNG RAHAYU MUNGGARAN
Nutur galur tikapungkur Naliti mangsa bihari Bakal dating hiji mangsa Gumbira jeung sedih kingkin Papasangan dua-dua Diatur ilahi robbi
Sauyunan rempug jukung Tugas ngajar jeung diajar Ulah sok pakia-kia Ka cai jadi saleuwi Sangkan pendidikan lancer Nuwuhkeun sifat nu suci
Mugi-mugi kanu agung Anu sifat rohman rohim Abdi-abdi sadayana Teu pegat tatali bathin Ngantengkeun babarayaan Tawisna jalmi berbudi
Ieu pepeling keur dulur Anu kaluarna na ati Dimana bae ayana Panjangkeun silaturahmi Ulah pegat ku paturay Langgengkeun tetep saati
Ari nu kasebut mu’min Tangtuna kudu pinuji Dina rengkak paripolah Pon kitu deui parangi Tembongkeun sifat marahmay Sangkan tartib jeung taliti
Jujur dina caritaan Hade dina tauhidna Bener dina kalakkuan Ngadalikeun amarahna Lampah hate cocok nyata Pangaruh jiwa nu mulya
Piwjang ka ihwan-ihwan Nu gaduh rasa rumasa Kawajibana sadaya Nyiar amal elmu nyata Lakonan tali paranti Aulia jeung para wali
Elmu kudu anu pasti Baris mawa bagja diri Eling kanu maha suci Tempat urang asal tadi Tangtu moal matak rugi Ma’rifat elmuna aji
He jalma anu berbudi Tenjo kaayaan diri Nu napel di poleh anjeun Ulah poho ulah samar Tingkah polah nya sabadan Kaayaan Maha Agung
KIDUNG KAMULYAN
Ma’rifat wajib laakonan Nu jadi awalna pisan Ngagem hijij palaturan Islam agama patokan
Islam agama nu nyata Maksud keur umat sadaya Anu ngutamakeun caraa Nganyahokeun saasalna
Nganyahokeun saasalna Apal kanu rek di seja Ngabakti moal sulaya Sahadat nu saestuna
Sahadat tur maha suci Dibarengan elmu pasti Ulah pamrih ku pamuji Pastikeun ikhlasna ati
Ikhlas hate bari sabar Ku cocoba tara gentar Iman oge tambah mekar Diri jadi beuki sadar
Sadar diri bari ngarti Lampah jadi komo pasti Ngarti kanu maha suci Jauna dina balai
Jauh dina balaina Da bongan tadi hirupna Tara loba reka guna Estu dina sabenerna
Sabanerna hirup ajal Nya Gusti nu boga asal Margana mangka dihontal Asal usul cikal bakal
Asal usulna manusa Ti Gusti eta kawitna Purwa suta jadi fana Langkung kana sapta marga
Sapta marga moal nyata Tangtu pasti boga cara Iman anu jadi makna Diriksa bari dibina
Ngaraksa iman tahkiki Kana wahdaniat gusti Wates dikul maha uci Tunggalkeun pasti nadiri
Tunggal gusti na manusa Hirup nyata nu hirupna Sapta marga nu pastina Sasar bari saenyana
Nyasar marga nu utama Ahadiat anu aya Henteu warna henteu rupa Tu dituduhkeun arahna
Teu ditunjuk tangtu pasti Ahadiat anu suci Estu dzat anu sajati Can aya anu ngajadi
Nu ngajadi marga awal Nur ilahi pikeun bakal Kamal kohar jamal jalal Nyatana Muhammad awal
Muhammad awal ku gusti Dijadikeun tinu suci Kuurang kudu kaharti Sahadat anu sajati
Sahadat nu saestuna Allah eujeung muhammadna Ulah rek kamana-mana Muhammad nur ilahi tea
Muhammad awal ngagelar Ngajadikeun opat hibar Cahya anu bakal mesar Nur Muhammad kade samar
Nur Muhammad opat sareng Putih kuning abang ireng Gusti anu boga pareng Nya ngajadi dunya murbeng
Memeh jeung dunya pacampur Allah Muhammad katut nur Anu tangtu boga catur Lalakon Saumur-umur
Ngalakonan tangtu pasti Allah katut nur ilahi Cahya opat nungajadi Nukatelahna ajali
Nukatelah cahya papat Nya ngajadikeun sumirat Arwah marga nu kaopat Tina cahya putih ningkat
Ningkatna cahya nu putih Ngajadikeun hiji dalih Aci cai nukatolih Kuurang kudu kapanggih
Panggihna marga lajengna Cahya kuning saasalna Marga ajsam nu pastina Aci angina nya jadina
Jadina nu putih banyu Nukuning ngajadi bayu Marga nau moal saru Opat lima enggeus tangtu
Tangtu anu salajengna Marga genep nudimakna Mitsal anu katelahna Cahya bureum saasalna
Asal beureum jadi geni urang kudu pada ngarti Tara ieuh jalir jangji Gusti anu maha suci
Maha sucina pangeran Urang kudu ngamanahan Ulah waka dieureunan Marga saptana sorangan
Sorangan marga katujuh Insane kamil anu puguh Moal matak jadi ripuh Lamun urang kukuh pengkuh
Kukuh pengkuh suci ati Kana marga moal lali Cahya hideung aci bumi Ngawujud kabeh nadiri
KIDUNG RAHAYU SORANGEUN
Mugia ieu piwejang Nungajantenkeun pepeling Nu anom masing waspada Ulah kandeg kubabasan Sabeunyeureun sabeaseun Nambih kana pangalaman
Allah Muhammad sajinis Reujeung mansa sawujud Teu aya wujud nulian Anging gusti nu kagungan Nu murba wujudna alam Kabeh medal tinu suci
Ari insane kamil pasti Manusa anu sampurna Kumplit jaba sadayana Bodas koneng beureum hideung Cai angina seuneu bumi Hirup nyata nu hirupna
Qodrat iridat kawitna Qodirun muridun nyata Diri manusa buktina Obah usik malik nyeta Insane kamil nu diselir Nu didamel kanyataan
Lamun fakir henteu taliti
Tangtuna moal kadangding
Kitu hisabna nu ngaji
Matak ulah lalawora
Milari diri nupasti
Peurih galih nu sayakti
Ari ngelmu kudu pasti Teu meunang dikira-kira Eta katimu eta rugi Katutupan paningalna Poma kudu sing kapanggih Nu hirup aya dimana
Mangkade ulah kaliru Dipaparah masing estu Nu ga’ib masing katilik Nubadag minangka kaca Lamun haying nyata pasti Timukeun pusaka diri
Ari pusaka manusa Ayana the dina diri Nu disebut nur ilahi Ayana padang paningal Anu matak bias murba Kana diri salirana
Ngabakti muntangkeun diri Kagusti num aha suci Lampah utami diaji Pasrah diri kanu suci Singkahan anu balai Nu matak poekna diri
Amin ya robbal alamin…. Mugi gusti nangtayungan……