Saluran gambar kelir
Saluran gambar (basa Inggris: image pipeline atawa video pipeline) nyaéta hiji istilah nu dipaké keur ngagambarkeun komponén-komponén nu hususna atawa ilaharna dipaké antara sumber gambar (saperti kaméra, pamindai/scanner, atawa rendering engine dina kaulinan komputer), jeung renderer gambar (saperti sét televisi, layar komputer, panyitak/printer, atawa layar bioskop), atawa keur ngajalankeun pamrosésan gambar digital panengah (intermediate) nu ngandung dua atawa leuwih blok pamrosésan nu papisah. Hiji saluran gambar/vidéo bisa tumerap minangka pakakas lemes komputer, dina hiji pamrosés sinyal digital, dina FPGA atawa minangka ASIC nu fungsina tetep. Minangka tambahan, rangkéan analog bisa dipaké pikeun ngalakukun loba fungsi nu sarua.
Gambar di handap nuduhkeun hiji pamakéan sacara basajan tur husus tina dua saluran gambar. Satengah nu luhur midangkeun komponen nu bisa jadi aya dina kamera digital. Satengah nu handapna mah bisa jadi dipaké dina aplikasi keur ningali gambar dina komputer keur midangkeun gambar nu dijieun ku kamera.
Perlu dicatet yén operasi-operasi nu niron kalakuan fisik jeung linier, kawas panyekalaan gambar (image scaling), idéalna diteundeun di beulah kénca, gawe dina sinyal RGB linier. Operasi-operasi nu katempo saragem ("perceptually uniform"), kawas kompresi gambar rugi (lossy image compression), dina sisi séjén, diteundeun di beulah katuhu, gawe dina sinyal r'g'b atawa Y'CbCr nu geus dikoreksi gammana ("gamma-corrected" ).