Situs Pasir Angin

Ti Wikipédia Sunda, énsiklopédi bébas
Loncat ke navigasi Loncat ke pencarian

Situs Pasir Angin nyaéta hiji situs nu aya di Désa Cémplang, Kecamatan Cibungbulang, Kabupatén Bogor.[1] Ieu situs aya di hiji bukit leutik kurang leuwih 210 di luhur laut, di belah kaler walungan Cianten. Situs Pasir Angin kungsi ditalungtik taun 1970, 1971, 1972, 1973, 1975 ku Tim ti Puslitarkenas (Pusat Penelitian Arkéologi Nasional) dina pingpinan R.P. Soejono, dina hasil panalungtikan kapanggih artefak-artefak nu dijieun tina batu, besi, perunggu, taneuh liat, obsidian, kaca, gerabah.[1]  Barang-barang nu kapanggih di antarana mangrupa beliung persegi, kapak corong nu boga dahan siga buntut manuk serit, perunggu nu wangunna candrasa, tongkat perunggu, manik-manik batu jeung kaca, ujung tombak, kapak besi, gerabah sarta pakakas obsidian.[1] Kabéh barang aya dina hiji konteks di sabudeureun monolit sarta mangrupa titinggalan prasejarah nu unik, hampir kabéh barang nu kapanggih nyanghareup ka bidang datar utama monolit nu nyanghareup ka wetan.[1] Ieu hal boga harti yén kagiatan nu ngawengku éta barang-barang dipuseurkeun dina batu gedé mangrupa ciri aspék kapercayaan megalitik nu geus mekar dina tingkat néolitik kalawan masarakat nu hirup ku cara ngahuma.[1]

Sajarah[édit | édit sumber]

Pikeun ngabandingkeun jumlah sarta tipe barang nu kapanggih, bisa dikira-kira yén Pasir Angin mangrupa situs nu kungsi aya dina masa Logam Awal (perundagian) di Indonesia dina 600-200 SM.

  1. a b c d e "Situs Pasir Angin-Dinas Pariwisata dan Kebudayaan Provinsi Jawa Barat". www.disparbud.jabarprov.go.id. Diakses tanggal 2017-10-27.