Susanoo
Susanoo atanapi Susano'o, kalayan jujuluk Susano-o-no-Mikoto, nyaéta salah sahiji déwa dina mitologi Jepang. Anjeunna dipercaya janten déwa laut, angin sareng badai. Dina sababaraha literasi anjeunna ogé dijantenkeun déwa anu hébat ngajaga Kuil Kumano (Kumano-Ketsumiko-no-Kami) di Prefektur Shimane, Jepang. Anjeunna ngagaduhan dua dulur anu sanés, nyaéta Amaterasu-o-Mikami (déwa panon poé) sareng Tsukuyomi (déwa bulan) anu mangrupikeun bagean tina dewa utama dina mitologi Jepang.[1][2]
Katerangan[édit | édit sumber]
Dumasar kana kayakinan ku agama Shinto, Dewa Izanagi ngagaduhan tilu murangkalih anu lahir sakaligus, nalika Izanagi réngsé ngumbara ti Yomi. Anak anu pangpayunna nyaéta Amaterasu, lahir tina panon kénca, teras anak kadua, Tsukuyomi, tina panon katuhu, tuluy anu panungtungan na nyaéta Susanoo, kaluar tina irung na.[3] Izanagi masihan paréntah sareng kakawasaan ka tilu déwa ieu pikeun mingpin surga.[2]
Susanoo ngagaduhan pédang anu disebat Kusanagi (Kusanagi-no-tsurugi atanapi Murakumo-no-Tsurugi) anu dicandak tina layonana Yamata no Orochi (naga buta sirah dalapan) sabada anjeunna meunangkeun duel anu kacida hébatna. Nanging, éta pédang dipasihkeun ka lanceukna kanggo panebusan kasalahanana anu kapungkur.[4]
Rujukan[édit | édit sumber]
- ↑ "Susanoo | Description & Mythology". Encyclopedia Britannica. Diakses tanggal 2020-09-19.
- ↑ a b "Susanoo". Mythopedia. Diakses tanggal 2020-09-19.
- ↑ "SUSANO-WO - the Shinto God of the Underworld (Japanese mythology)". Godchecker - Your Guide to the Gods. Diakses tanggal 2020-09-19.
- ↑ "Susanoo". Ancient History Encyclopedia. Diakses tanggal 2020-09-19.