Tilu Karajaan Koréa
| Tilu Karajaan Koréa | |
|---|---|
| |
| Peta Tilu Karajaan Koréa ahir abad ka-5 | |
| Ngaran Koréa | |
| Révisi Romanisasi | Samguk |
| McCune-Reischauer | Samguk |
| Hangul | 삼국 |
| Hanja | 三國 |
Tilu Karajaan Koréa mangrupa karajaan Goguryeo, Baekje, jeung Silla, nu ngawasa Bojong Koréa jeung Manchuria salila dalapan abad nepi ka abad ka-7 M. Karajaan-karajaan séjén nu leuwih leutik aya saméméh nepi ka mangsana Tilu Karajaan, kayaning Gaya, Dongye, Okjeo, Buyeo, Usan, Tamna, jsb.
Mangsa tradisional geus aya ti 57 SM, nalika karajaan Saro (salajengna Silla) di béh kidul-wétaneun bojong meunangkeun otonomi ti kakawasaan dinasti Han Cina. Goguryéo di béh kalér jeung kidul walungan Yalu (na basa Koréa walungan Amnok) merdika ti Cina dina 37 SM. Dina 18 SM, dua pangéran Goguryéo nu kawarisan kakawasaan, ngadegkeun Béaekje di kidul-kuloneun bojong (ayeuna Séoul), nu dayeuhna Ungjin (ayeuna Gongju atawa Chongju) salajengna Sabi (ayeuna Puyo) di kidul-kuloneun Séoul. Karajaan Gaya misah ti Béakje dina abad ka-1 M.
Pamungkasan dinasti Han, awal abad ka-3, ngantepkeun tilu Karajaan éta terus tumuwuh. Tiluanana mibanda budaya nu sarua. Confucianisme sumebar di masarakat kelas luhur Koréa ti abad ka-1, ngan ka dieunakeun mah kalindih ku Buddhisme sagemblengna.
Goguryéo, nu pangbadagna ti nu tilu, boga dua ibukota piligenti. Nangnang (ayeuna Pyongyang) jeung Kungae peuntaseun walungan Yalu. Mimitina mah karajaan ieu téh ayana di wewengkon wates Cina, lajeng saeutik-saeutik nalukkeun wilayah Manchuria, nepi ka tungtungna ngusir bangsa Cina ti Nangnang taun 313. Pangaruh kabudayaan Cina tetep aya nepi ka Budana ogé diagem salaku agama resmi taun 372.
Dina abad ka-4 Baekje jaya kumawasa sarta ngungkulan ampir satengah ti tanjungna, nyéta tanjung beulah kidul.
Renaming Silla in 503, it is known the kingdom of Silla absorbed the whole kingdom of Kaya or Gaya on their border in the first half of the 4th Century. Puseur dayeuh Silla, nyaéta Gumsong (ayeuna Gyéongju atawa Kyongju). Buda dijadikeun ageman resmi taun 528.
Ku ayana kongsi jeung dinasti Tang Cina, Silla meruhkeun Goguryéo taun 668, satutasna ngawasa Baekje taun 660, lajeng ngawal periode Uni Silla nepi ka panungtungan "Tilu Karajaan".
Ngaran "Samguk", atawa "Tilu Karajaan" dipaké dina naskah kuna Koréa Samguk Sagi jeung Samguk Yusa.