Témbongkeun sumber pikeun Tingkeban

{{Refimprove|date=Maret 2016}}
'''Tingkeban'''; Babarit nyaéta asalna tina kecap “tingkeb” hartina tutup, maksudna awéwé anu keur ngandeg [[tujuh]] [[bulan]] teu meunang sapatemon jeung [[salaki]]na nepi ka opat puluh poé sanggeus ngajuru, sarta ulah digawé anu beurat sabab kandunganna geus gedé.<ref name=”Lut”>{{Cite book| url =https://play.google.com/store/books/details?id=uTKyDgAAQBAJ| title =Kamus Genggam Bahasa SundaLuthfiyani| last =Luthfiyani| first =Lulu | publisher =FRASA LINGUA| location =Yogyakarta| year =2017|ISBN=9786026475275|pages =10}} Disungsi12 Januari 2023</ref><ref name=“Fitri”>{{Cite book | title = 70 Tradisi Unik Suku Bangsa di Indonesia| first =Fitri| last =Haryani NasuXon| publisher =Bhuana ilmu populer| location =Jakarta| year =2019| pages =97|ISBN=9786232165328|url=https://books.google.co.id/books?id=apq0DwAAQBAJ&pg=PA98&dq=kanistren&hl=id&sa=X&ved=0ahUKEwi_0tXujJ7nAhVEQH0KHVkhAqMQ6AEIRzAE#v=onepage&q=kanistren&f=false|accessdate=24 Januari 2020}}</ref> Anapon aturan sedekah tingkeban, mimitina nangtukeun waktuna.  Biasana nu alusna mah bulan Hijriyah, tanggalna anu aya angka tujuhan, saperti tanggal 7, tanggal 17, jeung tanggal 27. Sanggeus netepkeun waktuna, tuluy ditataharkeun.<ref name="sumber1">{{id}}Hj.Patimah,spk. Ensiklopedi Sunda : Alam, Manusia dan Budaya termasuk Budaya Cirebonan dan Betawi. PT Dunia Pustaka Jaya. Jakarta 2000.</ref> 
Éta hal dilaksanakeun sangkan orok anu aya di jero kandungan jeung  anu ngababarkeunna salamet.<ref name="sumber1"/> 

==Maksud jeung tujuan==
Maksud upacara tingkeban nyaéta sodakoh panutup atawa paméakan. ti mimiti 40 poé sanggeus babaran ulah muka saméméh nepi kana waktuna.<ref name=“Fitri”/> Anapon istilahna nyaéta:
* "tebus wateng" nu asal kecapna tebus watengan, asalna tina [[kecap]] tebus anu hartina mayar, sedengkeun wateng hartina  [[udaka]] anu aya dina jero kakandungan. Jadi maksudna tebus watengan téh mayar atawa [[sodakoh]] pikeun nyalametkeun lantaran anu dijero kandungan téh geus mangrupa [[manusa]], jadi intina rasa syukur ka Gusti Alloh. 
* [[Babarik|<nowiki>''babarik''</nowiki>]] nu asal kecapna tina barik nu hartina babarengan jeung [[utun inji]] anu aya di jero kandungan, nepi ka éta budak téh geus jadi jalma ku sabab nurutkeun pamadegan kolot-kolot jaman baheula mah éta budak téh geus sampurna kaayaanana.

==Waktu jeung tempat==
Waktu lumangsungna upacara 7 bulan atawa tingkeban biasana kudu diayakeun dina bulan ka 7 tanggal 7, 17 atawa 27 jeung dina jam 07.00 atawa 19.00. Tempat lumangsungna upacara 7 bulan atawa tingkeban dilaksanakeun di jero jeung di luar imah nyaéta di buruan atawadi pipir imah. Di jero imah ngariung tatangga jeung dulur-dulur nu diondang, sedengkeun nu hamil dimandikeun di buruan atawa di tukangeun [[imah]].<ref name=“Fitri”/> Di buruan nu hamil nu geus dimandikeun éta ngajual (méré) rujak kanistrén ka barudak.<ref name=“Fitri”/>

==Siloka==
Dina upacara tingkeban loba pakakas nu kudu disadiakeun salaku kalengkepan upacara. Pakakas-pakakas éta mibanda lambang:
# '''Kembang jambé''' (mayang) anu ngandung harti “hayang” nyaéta “hayang hadé”, saperti seungitna kembang éta.
# '''Kembang 7 warna''' ngalambangkeun 7 hal nyaéta hirup, kakuatan, panempo, pangrungu, omongan jeung kahayang.
# '''Ayakan''' dijieun tina awi ngandung ma’na yén élmu anu dipiboga ku urang, kudu bisa dipilah-pilah mana nu hadé nu mibanda mangpaat pikeun dunya jeung ahérat sarta mana nu teu hadé.
# '''Kalapa gading''' (kalapa ngora) anu digambaran tokoh wayang, [[Srikandi]] jeung [[Arjuna]] ngandung ma’na mudah-mudahan anakna nurut, alus rupa jeung kulitna saperti kulit kalapa gading nyaéta konéng langsat.
# '''Belut''' nu diasupkeun ti beulah luhur sinjang nalika ngalaksanakeun upacara mandi kembang ngalambangkeun sangkan engké dina waktu ngalahirkeun lancar, saperti belut kaluar tina liangna.
# '''Rujak kanistrén''' nu dijual ka barudak ngandung lambang yén ti mulai harita geus béak mangsa ulin sawaktu budak jeung satuluyna jadi indung. Rujak kanistrén rasana pait, kesed, haseum jeung sajabana ngalambangkeun sangkan sagala kasusah jeung patina hirup diajarkeun ka anakna. Kitu ogé lamun rujak rasana lada ngalambangkeun yén engké orok anu dilahirkeun téh lalaki, jeung lamun teu lada orok anu dilahirkeun téh marti awéwé.
# '''7 rupa kadaharan''', nyaéta beubeutian saperti sampeu, hui, boléd, suuk, kacang tanah, ganyol jeung sagu.
# '''[[Sinjang]] panjang 7 lembar'''.
# '''[[Jajambaran]]''', tempat [[cai]] jeung [[kendil]] anu eusina [[belut]]. Belutna 7, lamun euweuh cukup ku 1 belut pikeun sarat.
# '''[[Kalapa gading]]''' nu digambaran [[Arjuna]] ksatria nu gagah jeung tokoh [[Srikandi]] tokoh wanoja anu geulis. Lamun teu digambaran kudu ditulis ngaran tokoh wayang éta.

==Prak-prakan==
Dina prak-prakanana ieu upacara sok diayakeun pengajian babarengan sarta biasana maca ayat-ayat [[Al-quran]] nyaéta [[surat Yusuf]], [[surat Lukman]] sarta [[surat Maryam]] minangka surat surat anu dianggap mulya.<ref name="sumber1" /> Lian ti éta ditataharkeun ogé parabot pikeun upacara ngamandian nu keur kakandungan, sarta anu utama nyaéta [[rujak kanistrén]] anu diwangun ti 7 rupa bungbuahan.<ref name="sumber1" /> Nu keur kakandunga dimandian ku tujuh kulawarga deukeut anu dipingpin ku saurang [[paraji]] sacara bagilir kalayan ngagunakeun 7 lembar lawon [[samping]] [[batik]] anu dipaké gunta-ganti unggal guyuran sarta dimandian ku cai kembang tujuh rupa.<ref name="sumber1" /> Sanggeus kitu acara dituluykeun kana siram ibu hamil anu dipingpin ku indung beurang. Ibu hamil dibawa ku paraji ka hareupeun imah. Anu saméméhna geus ditataharkeun aya jajambaran anu eusina duit, jumlah duitna numutkeun kana wedal salaki jeung pamajikan anu ditambahkeun anu geus dicampuran kembang tujuh rupa. Mimitina indung beurang ngebut-ngebutkeun kembang mayang ka awak ibu hamil, tuluy boh gadis boh ibu-ibu nyalampeurkeun, lantaran ceuk sahaol mah bakal téréh boga anak. Sanggeus kitu indung paraji mawa kalapa gading anu geus digambaran bari ngadu’a, doana nyaéta: .<br />

''Bismilahirohmanirohim''<br />
''Macakeun Qomat,'' <br />
''Surat Al Fthihah, Al Falaq, Al Fathihah,'' <br /> 
''Pangéran anu kawasa muga-muga babar sing mulus rahayu berkah salamet, sing lungsur langsar, mun istri sing geulis mun pameget sing kasép, sing soléh manahna, sing pinter milari élmuna, ''
Bismilahirohmanirohim'' <br />''
''Macakeun Sahadat,'' <br />
''Surat Al Kautsar,'' <br />
''Sabulan ngahérang, dua bulan ngalengang, tilu bulan gumulung, opat bulan mangrupa, lima usik, genep malik, tujuh kolot, 8 ngora, salapan medal ka dunya, borosot héor.''

Dina guyuran katujuh diasupkeun [[belut]] nepi ka beunang kana beuteung nu keur kakandungan , ieu hal dipimakdud sangkan lancar dina prosés babaran. Bareng jeung muragna [[belut]], [[kalapa]] gading anu geus digambaran ku tokoh [[wayang]] ku salakina dibeulah maké [[bedog]].<ref name="sumber2">{{id}}[http://www.kalangsunda.net/apps/forums/topics/show/2499592-sawatara-upacara-adat-di-tatar-sunda=id tingkeban adat sunda ] {{Webarchive|url=https://web.archive.org/web/20161112173634/http://www.kalangsunda.net/apps/forums/topics/show/2499592-sawatara-upacara-adat-di-tatar-sunda=id |date=2016-11-12 }} (diaksés tanggal 28 Oktober 2011)</ref>
Ieu hal dipimaksud sangkan orok anu dikandung sarta kolotna miboga laku lampah anu hadé.<ref name="sumber2"/>
Sanggeus réngsé dimandian biasana nu keur kakandungan didangdanan tuluy dibawa ka tempat [[rujak kanistrén]]anu geus disiapkeun.<ref name="sumber2"/> 
Tuluy anu keur kakandungan ngajual éta [[rujak]] ka barudak sarta para sémah anu hadir dina éta upacara , sarta maranéhna meulina ngagunakeun [[talawéngkar]], nyaéta [[kenténg]] anu geus dijieun buleud kawas duit kencring.<ref name="sumber2"/>
Nalika nu keur kakandungan ngajual [[rujak]], salakina mah miceun sésa parabot mandi kawas cai sésa dina jajambaran, [[belut]], [[kembang]], jsb.<ref name="sumber2"/> 
Kabéhanana éta kudu dipiceun di jalan simpang opat atawa simpang tilu, sanggeus [[rujak kanistrén]] béak kajual  runtuyan upacara adat tingkeban réngsé dilaksanakeun.<ref name="sumber2"/>

==Rujukan==
{{reflist|2}}

{{pondok}}

[[Kategori:Upacara adat]]