Toyota Sienta

Ti Wikipédia Sunda, énsiklopédi bébas
Loncat ke navigasi Loncat ke pencarian

Toyota Sienta nyaéta minivan leutik 5 panto anu di jieun ku Toyota anu dijual di Jepang jeung Indonésia. Diwanohkeun mimiti di bulan September 2003, mobil ieu miboga 7 tempat diuk sanajan ukuran bodina leutik pisan. Toyota Sienta miboga mesin bensin 1500 cc VVT-i miboga tanaga 110 bhp (82 kW) @ 6000 rpm dilengkepan ku transmisi CVT. ABS jeung EBD ogé jadi parangkat kaamanan standar. Toyota Sienta generasi kahiji sempet dijual di Indonésia jeung diimpor sacara utuh (CBU) ti Jepang jeung ngan bisa dimeunangkeun di showroom mobil CBU. Toyota Sienta generasi kadua dijual di Jepang dina kaping 9 Juli 2015.[1][2]

Pikeun pasar Indonesia , Toyota Sienta generasi kadua diwanohkeun di Indonesia International Motor Show (IIMS) 2016 di Jakarta di kaping 7 April 2016. Mobil ieu geus mulai dijieun sacara massal di Toyota Karawang Plant 2, Jawa Barat, di akhir Juni 2016. Samentawis, mesin NR-engine anu maké dual VVT-i anu dipaké Sienta geus dijieun di Toyota Karawang Plant 3 anu diresmikeun di bulan Maret 2016. Mobil ieu saingan langsung jeung Honda Freed di Indonésia. Mobil ieu mulai aya dina opat pilihan tipe, nyaéta E, G, V jeung Q. Lian ti eta, Toyota Sienta anu dijieun di Indonésia ogé di ekspor ka Malaysia, Singapura, jeung Thailand. Toyota Sienta modéllista ogé dipedalkeun minangka aksesori tambahan di Gaikindo Indonesia International Auto Show (GIIAS) 2017 di kaping 10 Agustus 2017, sarta nambahkeun warna anyar, nyaéta Red Mica Metallic.

Dina kaping 11 September 2018, Sienta facelift dijual di Jepang. Versi 5-séater ti Sienta di bere ngaran Funbase, atos ditambahkeun. Sienta facelift ieu direncanakeun rek dirakit di Indonésia di taun 2019.

Galeri[édit | édit sumber]

Rujukan[édit | édit sumber]