Waluh

Ti Wikipédia, énsiklopédia bébas
Loncat ke navigasi Loncat ke pencarian

Waluh (Cucurbita) nyaéta salahsahiji tutuwuhan ngareuy anu kaasup anggota Cucurbitaceae nu ngahasilkeun buah nu ukurana gedé . Ieu tangkal asalna ti buana Amérika, ayeuna mah nyebar di sawatara tempat nu miboga iklim haneut.

Waluh kaasup sababaraha spesies anggota genus Cucurbita, nyaéta C. argyrosperma, C. maxima, C. moschata, katut C. pepo. Di sawatara tempat di Indonésia, waluh disebut ku ngaran "labu", sanajan sabenerna miboga harti anu luas contona waluh cai, waluh oray, waluh siem, jeung baligo. Waluh dibédakeun tina waluh lianna ku sabab buahna karék bisa didahar lamun geus asak (biasana kelirna jingga), ukuranna méh gedé, bentukna buleud nepi ka lonyod sadta miboga ukiran daun buah anu jelas, jeung kulitna heuras. Waluh miboga warna orén ku sabab ngandung beta-karoténa (salah sahiji provitamin A ogé salaku antioksidan). Lamun dikeureut, ieu buah miboga bentuk nu mirip jeung bintang, sikina gedé jeung warnana coklat atawa bodas. Daging buahna ngeunah, rasana amis jeung rada haseum. Daun ngoraa waluh ogé bisa dijieun dahareun, minangka sayur.

Cara melakna[édit | édit sumber]

Cara melak jeung ngarawatna babari pisan, pikeun meunangkeun bibitna, waluh siem nu ggeus aya ti tangkalna diantepkeun nepika kolot, nepika bijil dina buahna.

Pikeun meunangkeun hasil buah anu maksimal, daun nu kolot kudu diteukteukan méh kaluar pucuk tunas anu anyar, tuluy biasana langsung bijil kembngna.[1]

Rujukan[édit | édit sumber]

  1. "Tanaman labu siam/waluh/lejet dikebun oma. | Kebunpedia". www.kebunpedia.com. Diakses tanggal 2019-03-02.