Walungan Cimandiri

Walungan Cimandiri nyaéta salah sahiji walungan anu aya di Sukabumi . Ieu walungan ngabogaan ciri has lamun ditingali tina jenis caina. Walungan Cimandiri mangrupa habitat kangge rupa-rupa lauk jeung udang. Sabab ieu walungan caina hasil campuran tina cai walungan anu tawar jeung cai laut anu asin. Hasil campuran caina ngabogaan gaya hidrolik cai walungan jeung pasang surut cai laut.

Lamun diteliti deui, rupa-rupa lauk jeung udang anu aya dinu ieu walungan beda-beda unggal usumna sabab boh laukna ogé udangna aya anu musiman, aya ogé anu netep. Cai Walungan Cimandiri ngabogaan karakteristik anu beda tina walungan biasa tina hasil pacampuran cai laut tadi, ku kituna kahirupan sosial, ekonomi, jeung budaya warga sabudureun walungan milu kapangaruhan. Walungan Cimandiri ngaliwatan Kelurahan Cikundul, Kecataman Lembursitu, Sukabumi. Dina liwatan walungan eta, warga boga acara anu disebut Ngubeuk Lauk.[1]

Kreatipitas jeung Tradisi Budaya

Ngubeuk Lauk nyaéta salah sahiji acara anu rutin diayakeun ku warga sabudureun walungan. Warga neangan lauk anu disebar ka walungan rereongan. Ieu acara didukung ogé ku pamarentah sangkan potensi wisata Walungan Cimandiri kajaga.