Charles Darwin

Ti Wikipédia, énsiklopédia bébas
Luncat ka: pituduh, sungsi
Charles Darwin 1880

Charles Darwin (1809-1882) nya éta élmuwan anu kasohor ku tiori kontrovérsial, tiori évolusi anu ditulisna dina buku the origin of species[1][2]. Charles Darwin nya éta incuna Erasmus Darwin, dokter katut filsuf anu kasohor, manéhna dianggap pelopor élmu biologi modéren, awalna Darwin maluruh ngeunaan sajarah alam Dunya ngaliwatan élmu kadokteran jeung téologi[1]. Charles Darwin gumelar ti pasangan Robert (dokter masarakat kelas luhur) jeung Susannah tanggal 12 Désémber 1809 di kota Shrewsbury, Shropshire, Inggris[1][2].

Charles Darwin jadi penjelajah dunya salila 5 taun maké kapan HMS Beagle pikeun nalungtik spésiés-spésiés nu aya di Dunya, ieu lalampahan dimulai taun 1831 nalika umurna 20 taun[2][1]. Rute pelayaranna nya éta basisir Amerika Kidul, kapulauan Galapagos, pulau-pulau pasifik, samudra Hindia, sarta samudra Atlantik[1][2]. Sabada ngalaksamakeun panalungtikan anu cukup lila, Darwin nyindekkeun yén mahluk hirup ngalaman parobahan dina sajarah Dunya, numutkeun manéhna, mahluk hirup nu ayeuna aya téh mangrupa hasil seléksi alam[1]. Tiori évolusi Darwin diterbitkeun taun 1859, Darwin nétélakeun yén manusa téh mangrupa hasil évolusi tina monyét, tangtu baé ieu tiori téh patukangtonggong jeung téologi agama[1]. Charles Darwin maot tanggal 19 April 1882, Darwin dimakamkeun di gigireun Sir Isaac Newton di Westminster Abbey[2][1].

Référénsi[édit | sunting sumber]

  1. a b c d e f g h Biografi Tokoh Dunya- Charles Darwin (diaksés tanggal 4 Désémber 2011)
  2. a b c d e Élmuwan Charles Darwin (diaksés tanggal 4 Désémber 2011)
Nulis.jpg