Jangjawokan
Ti Wikipédia, énsiklopédia bébas basa Sunda
Jangjawokan téh nyaéta mantra anu dipapatkeun upama arék ngamimitian hiji pagawéan, pikeun ménta kasalametan, hasil pamaksudan, jeung sajabana.
[édit] Conto jangjawokan
Jangjawokan paranti diminyak
Minyak aing minyak watu
Dipidu di sihung maung
Diocék di panonpoé
Sekartaji suru gajah
Nya gajah tunggal
Katawu wus kabeubeur wus
Kabeungkeut atina Si Anu
Atawa atina wong sajagat kabéh
Jangjawokan paranti lintar atawa nguseup
Aki Rékrék Turaya
Aing nya pangkonan sia
Bayu mas nu lénggang patih
Bayu emas nu lénggang hérang
Bumi meneng bayu meneng
Ku sangkilat ku moncorong
Ratna putih sang ibuh putih
Undur ku sangkilat sakti
Nya isun sang demi jati.
[édit] Tempo ogé
[édit] Rujukan
- Drs. Budi Rahayu Tamsyah, spk., Kamus Istilah Tata Basa jeung Sastra Sunda, 1999
 |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
