Tai hiang

Ti Wikipédia Sunda, énsiklopédi bébas
Panday ngaleungitkeun tai hiang ku cara ngawurkeun keusik saméméh ngelas

Tai hiang mangrupa zat nu kabentuk nalika sanyawa beusi tai hiangan (korosi) alatan ayana oksigén jeung cai. Tai hiang téh mangrupa campuran oksida beusi jeung hidroksida.

Di alam, beusi téh aya dina bentuk bijih hématit salaku oksida beusi; nya kitu ogé logam beusi nu condong balik deui kana bentuk nu sarupa nalika aya udara (hidrogén, oksigén, nitrogén, jsb.) jeung cai. Tai hiang téh mangrupa produk réaksi oksidasi logam beusi kana bentuk anu sacara énérgétik leuwih dipisuka.

Prosés tai hiangan dibagi kana tilu hambalan: (1) kabentukna ion beusi (II) tina logamna, (2) kabentukna ion hidroksida, jeung (3) réaksi éta dua zat ditambahan ku oksigén nu ngahasilkeun tai hiang.

Beusi mangrupa komponén utama waja, antukna korosi waja mindeng kapanggih, sabab kiwari mah beusina sok dipaké dina bentuk aloy.

Dina beungeut logamna, beusi dioksidasi jadi beusi (II):

Fe → Fe2+ + 2e

Éléktron nu dileupaskeun ditéwak ku oksigén nu leyur dina cai antukna jadi ion hidroksida:

4e + O2 + 2H2O → 4OH

Ion hidroksida tuluy paadu jeung ion beusi (II) jeung oksigén lianna antukna jadi oksida beusi. Bentuk umumna mah

Fe2+ + 2OH → Fe(OH)2
4Fe(OH)2 + O2 → 2(Fe2O3.xH2O) + 2H2O

Sumber rujukan[édit | édit sumber]

  • Rust, Wikipédia édisi basa Inggris (28 Juli 2006)

Baca ogé[édit | édit sumber]