Teater Yunani Kuno

Ti Wikipédia, énsiklopédia bébas
Luncat ka: pituduh, sungsi
Bangunan Teater Yunani Kuno

Drama nu kiwari mindeng dipintonkeun, asalna mah ti jaman Yunani Purba.[1] Tahun 600 SM, dina upacara-upacara kaagamaan, masarakat Yunani ngayakeun raraméan nu di jerona aya acara ngibing jeung ngahaleuang salaku média panghormatan ka déwa Dionysius.[1] Sanggeus kitu maranéhna nyieun hiji pasanggiri drama dina éta acara nu dilaksanakeun taun 534 SM di Athena.[1] Drama nu harita dipintonkeun nya éta drama tragedi, tur nu jadi jawarana nya éta Thespis, aktor jeung panulis munggaran nu kasohor ka sakuliah dunya. [1] Sanajan Thespis mangrupa tokoh historis, tapi ku bangsa Yunani dijadikeun legenda. Sagala rupa nu aya patalina jeung drama, pasti dipatalikeun jeung Thespis nepi ka lakon dina drama dingaranan thespian.[1]
Drama Yunani aya dina puncak kamekaranana dina taun 400 SM.[1] Drama masih dipintonkeun minangka ritual kaagamaan.[1] Di Athena tempat pintonan drama nu kasohor nya éta Teater Dionysius nu aya di gigireun Acropolis, puseur kuil kota Athena.[1] Ieu tempat cukup pikeun 14.000 nu nongton.[1]
Urang Yunani Kuno mimiti ngaresmikeun teater minangka seni dina ngamekarkeun drama tragedi, komedi jeung satir.[2] Masarakat Yunani ngamangpaatkeun karakter mitologis tur ngamekarkeun konsép drama kritik dramatis.[2] Dina karya modéren ieu karya geus disaluyukeun sarta diinterprétasi sangkan bisa saluyu jeung jaman.[2] Contona waé saperti nu ditawarkeun ku Antigone nu digunakeun ku Anoulih dina taun 1944 pikeun nyieun hiji pernyataan ngeunaan ayana Nazi di Perancis sarta Brecht dina taun 1948 nu nyaruakeun Creon minangka Hitler. [2]

Wangun Drama di Yunani[édit | sunting sumber]

Tragédi[édit | sunting sumber]

Kulantaran ayana tragédi tina upacara agama, sipat ieu pintonan sakral, puitik, jeung filosopis.[1] Ampir sakabéh carita tragedi asalna tina mitologi agama Yunani.[1] Lakon dina tragédi biasana miboga kahéngkéran nu atra pisan sarta mindeng nyanghareupan masalah moral.[1] Biasana lakon utama tragédi gagal ngalawan musuhna tur pamustunganana mah pinasti panggih jeung pati.[1]

Satyr[édit | sunting sumber]

Satyr mangrupa komédi nu péndék sarta hampang, sipatna bodor tur parodi dina mitologi.[1] Lalakonna biasana mah mahluk dongéng satengah manusa satengah sato.[1]

Komédi heubeul[édit | sunting sumber]

Komédi asal kecapna tina komoida nu hartina nyieun kabagjaan.[1] Dina komédi, lakon utama digambarkeun salaku nu mawa ide pikabungaheun.[1] Biasana sanggeus ieu pintonan komédi anggeus dituluykeun ku komos atawa ngayakeun hiji raraméan.[1]

Komédi anyar[édit | sunting sumber]

Tragédi mimiti tara dipintonkeun sanggeus taun 400 SM, tapi sabalikna jeung komédi.[1] Komédi sanggeus taun 400 SM ngalaman parobahan nepi ka komédi nu ditulis sanggeus taun 338 SM mah dingaranan komédi anyar.[1] Béda jeung komédi heubeul nu ngangkat téma ngeunaan sosial jeung politik, ieu téma komédi leuwih museur kana kahirupan rumah tangga kelas menengah di Athena.[1]

Referensi[édit | sunting sumber]

  1. a b c d e f g h i j k l m n o p q r s t u Sumardjo, Jakob.1986.Ikhtisar Sejarah Teater Barat.Bandung:Angkasa (id)
  2. a b c d Teater (Diakses tanggal 24 Oktober 2011) (id)


Nulis.jpg