Uranus

Ti Wikipédia, énsiklopédia bébas
Luncat ka: pituduh, sungsi
Planét Uranus

Uranus nya éta Planét panganggangna katujuh ti Panonpoé sanggeus Saturnus, kapanggih taun 1781 ku William Hechell (1738-1782). [1] Itungan orbit Uranus nyindekeun yén ieu Planét aya anu ngaréwong. [1] Jarak Uranus jeung Panonpoé nyaéta 2875 juta km. [1] Uranus mibanda diaméter nepi ka 51.118 km sarta ngabogaan massa 14,54 kali massa Bumi. [1] Périodeu rotasi Planét ieu téh 17,25 jam, sedengkeun période évolusi nya éta 84 warsih. [1] Wangun Planét ieu jiga jeung Bulan nu miboga warna héjo sarta bulao. [1] Uranus ngabogaan 18 satelit alami, diantarana Ariel, Umbriel, Miranda, Titania, sarta Oberon.[1] Anu unik ti Uranus nya éta cara gerakna. [2] Déngdékna sumbu rotasi Uranus ngahontal 97,7 derajat nu ngajadikeun béda ti Planét-Planét umumna.[2] Balukarna, salila 84 taun période orbitna hiji sisi Uranus baris aya dina sisi caang salila 42 taun sarta poek di sisi séjénna salila 42 taun. [2] Ku kituna mistéri beungeut dina sisi séjén Uranus kakara bakal kajawab sanggeus 42 taun.[2] Taun 1789, William Herscel nempo aya sarupa cingcin di Uranus, tapi éta teh teu kungsi jadi hiji timuan alatan salila 2 abad saterusna can kungsi kasampak ayana cingcin di planét kasebut. [2] Anyar dina bulan Maret 1977, okultasi béntang SAO 158687 ngungkab ayana lélépén ipis sarta reueuk di Uranus. [2] Dina taun 1986, waktu Voyager 2 nalungtik leuwih deukeut Uranus, manéhna hasil moto eta cingcin ti jarak anu deukeut. [2] Tatapina manusa tacan sanggup pikeun ngajugjug ka ditu sarta nyokot potona.[2] Kalolobaan materi di sistem cingcin Uranus aya dina 9 cingcin ipis anu perenahna dina jarak 41000 – 52000 km ti puseur planét. [2] Kalolobaan ti cingcin Uranus ngabogaan rubak 1 – 10 km, saheulaanan ali epsilon anu aya di bagian luar Uranus nya éta anu pangrubakna sarta pangeksentrikna. [2] Cingcin epsilon eta teh aya dina jarak 20 km – 96 km.[2] Partikel nu nyusun cingcin Uranus anu kasampak ti Bumi ngabogaan ukuran anu meh sarua jeung cingcin utama Saturnus nya éta ~1cm – 10 m. [2] Tapi di bagian ali epsilon, susunanana diwangun ti balok-balok es anu ukuranana sababaraha kaki. Ali epsilon ogé warnana dawuk, kalayan satelit Cordelia sarta Ophelia anu fungsina minangka satelit nu ngumbala pikeun cingcin tea. [2] Sajaba ti éta di sapanjang 9 cingcin Uranus, ogé aya partikel-partikel kebul lemes anu kadistribusi anggang ngeusian eta cingcin.[2]

Rujukan[édit | sunting sumber]

  1. a b c d e f g (id)Uranus (diaksés tanggal 1 Desember 2011)
  2. a b c d e f g h i j k l m n (id)Mengenal dari dekat cincin Uranus (diaksés tanggal 1 Desember 2011)


Nulis.jpg