Waisak

Ti Wikipédia, énsiklopédia bébas
Luncat ka: pituduh, sungsi

Waisak atawa Waisaka (Pali; Sanskrit: Vaiśākha वैशाख) nyaeta hiji poe suci agama Buddha. Waisak oge disebut Visakah Puja atawa Buddha Purnima di India, Saga Dawa di Tibet, Vesak di Malaysia jeung Singapura, Visaka Bucha di Thailand jeung Vesak di Sri Lanka. Ngaran-ngaran ieu dicokot tina bahasa Pali "Wesakha", nu aya kakaitana jeung "Waisakha" tina bahasa Sanskerta.[1] Di sababaraha tempat disebut oge minangka "Poe Buddha".

Waisak dirayakan dina sasih Mei waktu caang bulan 14 (purnama sidhi) minangka pangeling-ngeling tilu kajadian penting, nyaeta:

  1. Lahirna Pangeran Siddharta di Taman Lumbini dina taun 623 S.M.,
  2. Pangeran Siddharta ngengingkeun Pencerahan Agung jeung jadi Buddha di Buddha-Gaya (Bodhgaya) dina yuswa 35 taun dina taun 588 S.M. (Saacan Masehi).
  3. Parinibbana (mangkat) na Buddha Gautama di Kusinara dina yuswa 80 taun dina taun 543 S.M.

Tilu kajadian ieu disebut "Trisuci Waisak". Kaputusan ngarayakeun ieu Trisuci Waisak, diputuskeun dina Konferensi Persaudaraan Buddhis Sedunia (World Fellowship of Buddhists - WFB) nu kahiji di Sri Lanka dina tahun 1950. Pangeling-ngeling ieu diayakeun pas purnama kahiji bulan Mei.

Waisak saenyana ngaran hiji bulan dina kalender India Kuno.

Ngaran-Ngaran Waisak[édit | sunting sumber]

Dina tradisi Mahayana, poe ieu dicokot tina basa Sanskerta, वैशाख (Vaiśākha), jeung tina variana. Vesākha dikenal ku ngaran Vesak atawa Wesak (衛塞節) dina basa Sinhala.

Waisak oge dikenal make ngaran:

  • बुद्ध पुर्णिमा/বুদ্ধ পূর্ণিমা Buddha Purnima atawa बुद्ध जयंती/বুদ্ধ জয়ন্তী Buddha Jayanti di India, Bangladesh jeung Nepal
  • 花祭 (Hanamatsuri) di Jepang,
  • 석가 탄신일 Seokka Tanshin-il (Hanja: 釋迦誕身日) dina Korea,
  • 佛誕 (Mandarin: Fódàn, Kantonis: Fātdàahn) di komunitas basa Cina,
  • Phật Đản dina Vietnam,
  • ས་ག་ཟླ་བ། Saga Dawa (sa ga zla ba) dina Tibet,
  • វិសាខបូជា Visak Bochéa dina Khmer,
  • วันวิสาขบูชา Visakah Puja (atawa Visakha Bucha) dina Thai,
  • ကဆုန်လပြည့်ဗုဒ္ဓနေ့ (Kasone la-pyae Boda nei), arti sacerewelna "Purnama Kason", bulan kadua dina kalender tradisional Burma,
  • ວິຊຂບູຊ Vixakha Bouxa dina Lao,
  • වෙසක් පසළොස්වක පෝය Vesak (Wesak) di Sri Lanka jeung Malaysia.

Pangeling-ngeling Waisak[édit | sunting sumber]

Di Indonesia[édit | sunting sumber]

Pengeling-ngeling Waisak di Indonesia nurut kana kaputusan WFB. Biasana dipusatkeun sacara nasional di komplek Candi Borobudur, Magelang, Jawa Tengah.

Runtuyan pangeling-ngeling Waisak nasional pokok acarana jiga kieu :[2]

  1. Dicokotna cai berekat ti cinyusu nu aya di Jumprit Kabupaten Temanggung jeung diseungeutna obor make seuneu abadi ti Mrapen Kabupaten Grobogan.
  2. Ritual "Pindapatta", hiji ritual nu eusina mere sedekah dahareun keur para biksu (bhiksu/bhikku) ku masyarakat (umat), maksudna nyaeta mere kasempetan jang masyarakat keur neunden hiji kabajikan.
  3. Tapa (Samadhi, Semedi) di waktu detik-detik puncak purnama. Bulan purnama ieu ditangtukeun make elmu falak kumargi kitu, bisa wae purnama teh ayana dina waktu siang.

Salian ti tilu acara poko biasana dilakukeun oge pradaksina, pawei jeung acara kesenian.

Sumber[édit | sunting sumber]

Wikimedia Commons logo
Wikimedia Commons mibanda média séjénna ngeunaan
Wikimedia Commons logo
Wikimedia Commons mibanda média séjénna ngeunaan