Xilem

Ti Wikipédia, énsiklopédia bébas basa Sunda
Luncat ka: pituduh, sungsi
jaringan xilem

Xilem mangrupa kumpulan sél anu kasusun ngawangun hiji bungbung.[1] Kahijian sél xilem sarta dingding sél anu kandel bisa méré pangdeudeul pikeun tutuwuhan.[1] Jaringan ieu kapaké pikeun ngunjalan cai sarta mineral ti akar ka daun. Elemen xilem kabagi dina unsur pembuluh, serabut xilem, sarta parenkim xilem.[2] Unsur pembuluhna aya dua, nya eta pembuluh kai (trakea) sarta trakéid.[2] Trakéa sarta trakéid mangrupa sél paéh, henteu ngabogaan sitoplasma sarta ngan cangkaruk dingding sélna. Sél-sél kasebut silih nyambung ku kituna nyieun pembuluh kapiler anu boga fungsi minangka ngangkut cai sarta mineral.[2] Diaméter xilem teh rupa-rupa gumantung kana jenis tutuwuhanna, tapi biasana 20-700 μm.[2] Trakéid mangrupa sél tunggal ukuranana panjang sarta boga tungtung nu seukeut ku kituna kurang pas minangka pakakas transpor.[1] Sanajan kitu ogé, cai bisa ngaliwatan trakéid ngaliwatan liang-liang (pit) anu aya dina pipinding sél.[1] Trakea mangrupa sajajaran sél anu kasusun manjang, tungtung anu hiji parékép kalayan puhu sél saterusna, sarta dituturkeun kalayan ancurna pipinding anu parékép ku kituna jajaran sél kasebut nyieun bungbung anu panjang.[1] Dina bagian lateral trakéa aya liang-liang ku kituna bisa ngocorkeun cai sarta garam-garam mineral.[1] Dina tutuwuham siki kabuka (Gymnospermae) xilem ngan diwangun ku trakeid tampa trakéa.[1]

Rujukan[édit | sunting sumber]

  1. a b c d e f g (id) Jati, Wijaya. 2007. Aktif Biologi. Jakarta: Ganeca exact. Kaca 29
  2. a b c d (id) Syamsuri, Istamar. Biologi Jilid II Untuk SMA Kelas XI Semester 1. Jakarta: Erlangga. Kaca 39
Nulis.jpg