Adam Levine

Ti Wikipédia, énsiklopédia bébas
Jump to navigation Jump to search
Adam Levine di Washington, 2005

Adam Noah Levine atawa anu kasohor Adam Levine nyaéta gitaris katut vokalis grup musik pop rock Maroon 5[1][2]. Adam lahir di Los Angeles, Amerika Serikat tanggal 18 Maret 1979 ti pasangan Fred Levine jeung Patsy Noah[1]. Salian ti ahli maénkeun gitarna, ieu musisi ogé kasohor salaku penulis lagu nu ngadegkeun Maroon 5[1].

Adam Levine mulai maén musik jeung babaturan jaman SMP anu harita ngabentuk grup musik Kara's Flowers, di antarana gitaris Jesse Carmichael, bassis Mickey Madden jeung Ryan Dusick dina drum[2]. Tapi nalika Levine jeung Carmichael neruskeun sakolana ka Five Towns College di Long Island, ieu grup musik jadi hiatus (leungit status)[1][2]. Nalika di Ditu, Adam meunang loba pangalaman musik nu anyar saperti hip-hop, soul, gospel, jeung R&B nu ngarobah oriéntasi penulisan lagu Adam[2]. Levine jeung Carmichael balik deui ka Kalifornia terus nepungan sésa personil grup musik Kara's Flowers[2].

Sabada gitaris anyar, James Valentine asup (mindahkeun posisi Carmichael ka keyboard) terus nyieun kontrak jeung Octone Records, Maroon 5 resmi dibentuk[2]. Levine mulai nyieun lagu anu kainspirasi ti hubunganna anu gagal[2]. Levine pernah boga hubungan husus jeung Jane anu jadi ispirasina ina niptakeun debut albumna anu judulna Songs About Jane[1]. Ieu album meunang platinum taun 2004 jeung single-singlena meunang 2 panglélér Grammy[2].

Référénsi[édit | édit sumber]

  1. a b c d e Adam Levine-Kapanlagi.com (diaksés tangal 14 Nopémber 2011)
  2. a b c d e f g h (en)Biografi Adam Levine (diaksés tanggal 14 Nopémber 2011)