Ambulan

Ti Wikipédia, énsiklopédia bébas
Jump to navigation Jump to search
Ambulan di Sumatra Kulon mangsa baheula
Ambulan di Perancis mangsa kiwari

Ambulan nyaéta kandaraan nu digunakeun pikeun ngangkut jalma gering atawa anu tatu, biasana pasén dibawa ka rumah sakit.[1] Ambulan mibanda kalengkepan anu kawilang réa, di antarana alat-alat pikeun ngungkulan serangan jantung, tulang pateuh, atawa tatu kaduruk dina kaayaan darurat. Ambulan ilaharna ngan aya di kota-kota badag. Kiwari geus aya hélikopter ambulan. Ieu ambulan dipikabutuh pikeun nulungan jalma-jalma anu gering atawa cilaka, anu tempatna teu kajugjug ku mobil atawa mencil.[2]

Ambulan réa pisan diproduksi dina mangsa perang. Dina awal 1800-an Perancis ngagunakeun roda dua, gorobag anu ditarik kuda pikeun mawa tentara ka rumah sakit. Kapal udara nu dijadikeun ambulan mimiti nyaéta nalika Perang Dunya ka-1. Anapon hélikopter nu munggaran dijadikeun ambulan nyaéta nalika Perang Koréa (1950-1953).[2]

Catetan[édit | édit sumber]

  1. Skinner, Henry Alan. 1949, "The Origin of Medical Terms". Baltimore: Williams & Wilkins
  2. a b Britannica Student Encyclopedia (Volume 1) (2010) kaca 93.