Apong Hérlina

Ti Wikipédia Sunda, énsiklopédi bébas

Apong Hérlina (gumelar di Kota Tasikmalaya, Jawa Barat, 26 Méi 1965; umur 58 taun) nyaéta salah saurang alumni Fakultas Hukum Universitas Indonésia taun 1989. [1] Anjeunna aktivis hukum di Indonésia. Saparantos lulus kuliah, anjeunna kantos ngajabat janten tenaga sukaréla di Lembaga Bantuan Hukum (LBH) Jakarta, taun 1988 dugi 1989. Taun 1997 dugi 2000, anjeunna dipercanten janten diréktur di Lembaga Bantuan Hukum (LBH) Jakarta.

Apong kantos nyuprih élmu D3 Bahasa Inggris di IKIP Jakarta, anu ayeuna mah kasohor ku Universitas Negeri Jakarta (UNJ), anu lulus taun 1987. Anjeunna mangrupi salah saurang anggota DPP Asosiasi Perempuan Indonésia untuk Keadilan (APIK) nalika taun 1995. Apong ogé kauninga kantos janten koordinator Kelompok Perempuan untuk Keadilan Buruh (KPKB) sareng Cénter for Indonesian Migrant Workers ti saprak taun 1996. Langkung ti dinya, anjeunna ogé kantos janten anggota Tim Naskah Akademis Badan Pembinaan Hukum Nasional (BPHN) nalika 1993, Komisi Nasional Perlindungan Anak taun 1998, Convention Watch Working Group di Program Kajian Wanoja Pascasarjana Universitas Indonésia nalika 1995, sareng sékrétaris Komite Aksi Pembébasan dan Narapidana Politik ti saprak 1998. [2]

Rujukan[édit | édit sumber]

  1. "Apong Herlina: Memilih Membela Ketimbang Memberi Keadilan". Hukumonline.com (dalam Indonesia). Diakses tanggal 2021-09-16. 
  2. Rosidi, Ajip (2003-12-01). Apa Siapa Orang Sunda (dalam Indonesian). Dunia Pustaka Jaya. ISBN 978-979-419-980-0.