Bikang

Ti Wikipédia Sunda, énsiklopédi bébas
(dialihkeun ti Awewe)

Bikang atawa awéwé nyaéta salah sahiji kelamin hiji organismeu, atawa bagian ti hiji organismeu, nu ngahasilkeun sél endog.[1] "Sél endog" dihartikeun salaku gamét nu leuwih badag dina sistem baranahan hétérogami, sedengkeun gamét nu leuwih leutik dihasilkeun ku jaluna. Hiji bikang teu bisa baranahan sorangan tanpa jalangan jeung jaluna, najan aya sababaraha nu mahiwal.[2]


Euweuh mékanisme génétik tunggal satukangeun béda kelamin dina spésiés nu béda, jeung ayana dua kelamin dina hiji spésiés sigana (pikeun dunya ilmiah) mangrupa hasil évolusi mandiri sababaraha kali. Naon nu sabenerna ngabédakeun bikang ti jalu teu salawasna atra, malah dina sababaraha kasus jadi bahan pananya kana harti nu sabenerna. 'Bikang' jeung 'jalu' ogé katémbong dina struktur réproduktif na tutuwuhan, antukna konsépna teu diwates saukur sato/manusa.

Lambang ilahar nu dipaké pikeun ngagambarkeun bikang nyaéta ♀ (Unicode: U+2640), cingcin aya silangan handapeunana. Lambang ieu ogé ngawakilan planét Vénus nu bisa ogé ditempo salaku gambar eunteung déwi Vénus.

Baca ogé[édit | édit sumber]

Dicutat tina[édit | édit sumber]

  1. Luthfiyani, Lulu (2017). Kamus Genggam Bahasa SundaLuthfiyani. Yogyakarta: FRASA LINGUA. p. 14. ISBN 9786026475275.  Disungsi12 Januari 2023
  2. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.