Bank Negara Indonésia 1946
Bank Negara Indonésia mangrupa bank kahiji nu diadegkeun jeung dipiboga ku pamaréntah Indonésia.[1] Tanggal 19 September 1945 Présiden Soekarno ngaluarkeun kaputusan pikeun ngadegkeun Bank Negara Indonésia lantaran nagara kudu boga Bank Sentral.[2] R.M.Margono Djojohadikoesoemo ditugaskeun pikeun nataharkeun pembentukanana.[2] Nginget yén pikeun ngadegkeun hiji bank boga nagara bakal ngabutuhkeun undang-undang nu dina nyusunna butuh waktu nu teu sakeudeung, tuluy diputuskeun pikeun ngabentuk Jajasan Poesat Bank Indonésia ku akte notaris R.M.Soerojo No. 14 tanggal 9 Oktober 1945 tempatna di Jakarta.[2] Modal bank sagedé Rp 345.000,00 (duit mangsa jajahan Jepang) dicokot tina Fonds Kamerdekaan Indonésia.[2] Tanggal 5 Juli 1946 Bank Negara Indonésia resmi ngadeg minangka bank sirkulasi atawa bank sentral jeung perkréditan.[2] Dumasar kaputusan Konfrénsi Méja Bundar antara Karajaan Walanda jeung Républik Indonésia nu dipilih minangka bank sentral nyaéta De Javasche Bank, jadi Bank Negara Indonésia ngan mangrupa bank umum keur pangwangunan ékonomi nasional.[2] Taun 1968 ngaran bank diganti jadi Bank Negara Indonésia 1946 (BNI 46).[2] Taun 1992 bentuk badan hukum BNI 46 ditetepkeun jadi pausahaan perséroan maké ngaran PT Bank Negara Indonésia (Perséro) atawa biasa disebut Bank BNI.[2].[1] Kantor cabang BNI mimitina aya di Jl.Raya Timur (Jl.Asia Afrika), tapi ti taun 2001 nempatan gedong anyar nu boga tingkatan jangkung nu biasa disebut BNI Tower.[2] Pemwangunan BNI Tower ngabalukarkeun ruksakna wangunan kuno nu boga nilai sajarah keur kota Bandung, nyaéta gedong urut percetakan A.C.Nix NV nu tuluy jadi NV Masa Baru.[2]
Referensi
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |