Beungkeut kimia

Ti Wikipédia Sunda, énsiklopédi bébas
(dialihkeun ti Beungkeut kimiawi)

Dina kimia, beungkeut kimia hartina gaya nu nahan atom-atom dina molekul atawa kristal. Dina molekul-molekul basajan, tiori beungkeut valénsi jeung konsép wilangan oksidasi bisa dipaké pikeun ngaduga struktur jeung wangunan molekular. Nya kitu ogé tiori fisika klasik bisa dipaké pikeun ngaduga struktur-struktur ionik. Pikeun sanyawa nu leuwih pajeulit kayaning kompléks logam, tiori beungkeut valénsi teu bisa dipaké sarta merlukeun pamahaman nu leuwih jero dumasar mékanika kuantum.

Aya sababaraha tipe beungkeut kimia, gumantung kana pasipatanana, nyaéta

Sadaya beungkeutan kimiawi mucunghulna tina interaksi antaréléktron ti atom-atom nu béda nu sacara énergétik dipikaresep (nyaéta hémat énergi). JEnis beungkeutna gumantung kana lokalisasi/delokalisasi dénsitas éléktron di antara atom-atom sanyawana.

Dina kasus beungkeutan ionik, éléktron-éléktron utamana ngahiji jeung salah sahiji atomna, antukna muatan listrikna netep sacara diskrét. Watek gaya antaratom (kanyataanana mah antarion) ieu utamana dicirikeun ku ayana poténsi éléktrostatik isotropik.

Sabalikna dina beungkeutan kovalén, sebaran dénsiti éléktron dina beungkeut teu netep di salah sahiji atom, tapi didélokalisasi sapanjang molekul dina struktur nu digambarkeun ku tiori kontémporér umum salaku orbita molekul. Teu siga beungkeut ionik murni, hal ieu ngakibatkeun sipat anisotropik. Kaayaan panengah (intermediate) tangtu aya, nalika beungkeutna nunjukkeun campuran antara ciri ionik polar jeung ciri délokalisasi éléktron kovalén.

Beungkeut ionik sacara umum bisa digambarkeun ku fisika klasik, sedengkeun pajeulitna beungkeut kovalén ngandelkeun pisan kana konsép-konsép mékanika kuantum.

Sagigireun beungkeut intramolekul nu ngaheuyeuk hiji molekul sangkan ngahiji, gaya antarmolekul ogé meta dina interaksi antarmolekul hiji zat.

Dina rumus kimia[édit | édit sumber]

Watek 3-D dina atom jeung molekul ngabalukarkeun héséna ngagambarkeun orbital jeung beungkeut kimia. Dina rumus molekul, beungkeut kimia (orbital anu pabeungkeut) antaratom ditandaan ku rupa-rupa cara gumantung ti mana jihatna. Dina kimia organik misalna, kadang beungkeutna mah teu dipiroséa, da nempona leuwih museur kana gugus fungsina. Ku kituna, rumus molekul étanol (sanyawa dina [[inuman nu ngandung alkohol) bisa ditulis dina wangun konformasina, 3-diménsi, atawa 2-diménsi, gumantung kana naon anu keur diobrolkeun.

Baca ogé[édit | édit sumber]

Rujukan[édit | édit sumber]

  • Chemical bond, ti Wikipédia basa Inggris, disalin ping 27 Juli 2004.