Carita biasa

Ti Wikipédia Sunda, énsiklopédi bébas
Loncat ke navigasi Loncat ke pencarian

Carita biasa, kumpulan carita pondok karya RAF (Rahmatullah Ading Affandi).[1]

Deskripsi Buku[édit | édit sumber]

Ieu téh buku kumpulan carita pondok anu munggaran ti RAF, diterbitkeun ku Balai Pustaka di Jakarta dina taun 1959, kandelna 119 kaca.[1] Ieu buku téh mangrupa buku kumpulan carita pondok anu kadua dina sastra Sunda sabada kumpulan carita pondok Dogdog Pangrewong karya GS.[1] Dina taun 1980-an, kalawan gawe bareng Balai Pustaka jeung Departemen Pendidikan dan Kebudayaan, ieu buku dicitak deui tur ditambahan ku pangjajap ti editor, ukuran buku 20,5 cm x 15 cm,kandelna 112 kaca.[2] Eusina ngamuat tujuh carita pondok, anu saméméhna kungsi dimuat dina sawatara majalah.[1] Lolobana kasang tukang caritana téh nyaritakeun kajadina dina mangsa jaman revolusi fisik di Indonésia.[1]

Tokoh nu ngalalkon ngagunakeun gaya "kuring", eusi caritana matak kataji,lantaran gegedena mah mangrupa kritik sosial, nyindiran ka jalma-jalma bangsa urang harita, utamana para pajuang jaman revolusi kamerdekaan.[3] Tapi najan ngeritik oge, eusina mah henteu togmol, tapi nyamuni, henteu matak nyigeung perasaan hiji golongan atawa individu.[3] Tujuh carita pondok anu dimuat dina ieu buku the ngawengku "Carita Can anggeus", "Warisan", "Masrahkeun Diri Menta Hukuman", "Tuluykeuneun", "Bapa Kuring Mata-mata Musuh", "Nyi Halimah", jeung "Hennie".[2]

Rujukan[édit | édit sumber]

  1. a b c d e Rusyana,Yus.Ensiklopedi Sastra Sunda.Pusat Pembinaan dan Pengembangan Bahasa Depdikbud. Jakarta 1986.kaca
  2. a b Affandie,R.A.Carita Biasa.Balai Pustaka - Depdikbud. Jakarta 1980
  3. a b Rosidi,Ajip,dkk. Ensiklopedi Sunda: Alam,Manusia. dan Budaya. Pustaka Jaya 2000.kaca 117


Nulis.jpg