Lompat ke isi

Chévron Pasifik Indonésia

Nambah tutumbu
Ti Wikipédia Sunda, énsiklopédi bébas
Logo Perusahaan Chévron[1]

Chévron Pasifik Indonésia mangrupa salah sahiji tina perusahaan Chévron anu miboga pancén pikeun ngaéksplorasi minyak anu aya di Riau[2]. Sakabéh pagawé ti PT. Chévron Pasifik Indonésia anu aya di Riau ditempatkeun di kota Dumai, Duri, Minas, jeung Rumbai[2]. Kagiatan operasionalna aya di kota Dumai, Duri, jeung Minas[2]. Sedengkeun main office aya di wilayah Rumbai[2].

Sajarah

[édit | édit sumber]

Chévron Pasifik Indonésia ngadeg di awal taun 1924[3]. Standard Oil Company of Californua (SoCal) jeung Texas Oil Company (Texaco) ngawangun perusahaan udunan di daérah Sumatra, anu dingaranan N.U Nederlandsche Pacific Petroleum Maatschappij atawa NPPM[3]. Ieu perusahaan manggihan minyak non-produktif anu ahirna ditutup[3].

Taun 1944, ahli géologi NPPM, Richard H. Hopper jeung Toni Oki manggihan sumur minyak panggedéna di Asia Kidul Wétan, anu dingaranan Minas, jenis minyakna Sumatra Light Crude (SLC)[3]. Taun 1950, NPPM robah ngaran jadi Caltex Pasific Oil Company (CPOC), sarta mimitian ngayakeun kagiatan ékspor minyak tina Minas[3]. Sumur minyak mimiti kapanggih di Duri, Bangkalis, jeung Petapahan[3]. Ngaran Caltex robah deui jadi Caltex Pacific Company (CPC) di taun 1960[3]. Lantaran mingkin loba sumur miyak anu kapanggih di daérah operasional Caltex, ku kituna aya inovasi pikeun nyieun peta daérah operasi anu disebut Kangatoo Block[3]. Di taun 1970, Caltex Pasifik Company (CPC) robah deui ngaranna jadi PT. Caltex Pasifik Indonésia[3]. Di taun 2005 Caltex anu masih kénéh bagéan tina Chévron jeung Texaco Inc dialihkeun ku Chévron babarengan jeung Texaco sarta Unocal[3]. Ku kituna, ngaran PT. Caltex Pasifik Indonésia resmi robah jadi PT. Chévron Pasifik Indonésia[3].

Kiwari, Chévron jadi produsén minyak atah panggedéna di Indonésia anu ngahasilkeun 40% produksi minyak nasional ngaliwatan kagiatan operasi di Riau jeung Kalimantan Wétan[4]. Chévron geus jadi produsén énérgi panas bumi panggedéna di Indonésia tina kagiatan di Jawa Kulon anu nyadiakeun listrik pikeun penduduk di Indonésia[5].

Visi jeung Misi

[édit | édit sumber]

Visi Chévron Pasifik Indonésia ngajadikeun perusahaan énérgi Indonésia anu paling dipikataji ku sumber daya manusa, kemitraan, jeung gawéna[6]. Pikeun ngajadikeun Chévron Pasifik Indonésia jadi perusahaan kelas dunya, PT. Chévron Pasifik Indonésia ngalaksanakeun kualitas berkesinambungan[6]. Ieu perusahaan miboga sawangan pikeun ngahasilkeun citra perusahaan anu maksimal, sarta hasil anu pangalusna[6]. Ieu hal luyu jeung posisi sarta status perusahaan anu multinasional[6].

Misi ti Chévron Pasifik Indonésia nyaéta “PT Chévron Pasifik Indonésia will effectifely explore and develop hydrocarbons for the benefit of indonesia and its shareholders”[6]. Éta misi téh mangrupa udagan anu kudu dihontal ku perusahaan[6].

Daftar Référénsi

[édit | édit sumber]
  1. ↑ Affairs, Chevron Policy, Government and Public. "Chevron Indonesia". chevron.com (dalam en-us). Diakses tanggal 2021-04-24. 
  2. ↑ a b c d "Sejarah Singkat PT Chevron Pacific Indonesia". PotretNews.com (dalam Indonesian). Diakses tanggal 2021-04-24. 
  3. ↑ a b c d e f g h i j k www.riauonline.co.id. "Inilah Sejarah Panjang Chevron di Bumi Lancang Kuning Riau". RiauOnline (dalam Indonesian). Diakses tanggal 2021-04-24. 
  4. ↑ "DJKN dan PT Chevron Pacific Indonesia Bersinergi dalam rangka Persiapan Pengakhiran Kontrak". www.djkn.kemenkeu.go.id. Diakses tanggal 2021-04-24. 
  5. ↑ "PT Chevron Pacific Indonesia - Pembangkit listrik Blok Rokan dikabarkan telah dilelang, begini tanggapan Chevron". PT. Kontan Grahanusa Mediatama (dalam Indonesian). Diakses tanggal 2021-04-24. 
  6. ↑ a b c d e f "Visi Misi Nilai-Nilai Pokok PT. Chevron Pacific Indonesia". text-id.123dok.com. Diakses tanggal 2021-04-24. 
Dicomot ti "https://su.wikipedia.org/w/index.php?title=Chévron_Pasifik_Indonésia&oldid=624169"