Dékol

Ti Wikipédia Sunda, énsiklopédi bébas
Dékol

Dékol singgetan tina kecap kadék jeung takol, mangupakeun pakakas nu bisa dipaké ngadék kawas kampak tur bisa dipaké nakol kawas palu (upama dibalikkeun).

Bahan dékol dijieun tina dua jinis banda :

  • matana dijieun tina beusi atawa waja, sisi anu hiji seukeut, dipaké keur ngadék, sisi hijina deui rata, dipaké keur nakol;
  • gagangna dijieun tina kai, aya ogé anu nyieun tina haur/awi.

Bédana Dékol jeung Kampak[édit | édit sumber]

Dina rupana sidik pisan bédana dékol jeung kampak

  • Lebah gagangna, dékol leuwih pondok ti batan kampak
  • Lebah mata anu seukeutna, dékol leuwih leutik ti batan kampak.

Dékol ilaharna dipaké ku tukang wangunan, sedengkeun kampak ilaharna dipaké ku tukang ngala kai jeung tukang ngala suluh.