Dongdang

Ti Wikipédia Sunda, énsiklopédi bébas
http://www.wisatanet.com/

Dongdang téh ngaran alat akut nu diangkat ku cara digotong ku sababaraha urang. Dongdang dijieun tina kai nu permanen atawa tina awi. Nu diakutna téh lain jalma, tapi rupa-rupa kadaharan kayaning opak, wajit, ulén, jsté. Biasana dongdang dipaké dina upacara kawinan nalika pangantén pameget miang ti sepuhna ka pangantén istri dina raraga ngalaksanakeun upacara Seserahan. Sakapeung mah Dongdang téh dipaké ogé pikeun ngangkut rupaning kadaharan dina salametan Kabuyutan waktu sedekah Bumi atawa ngangkut paré.

Kiwari Dongdang geus jarang digunakeun dina upacara kawinan, ilaharna mah dongdang bisa dipanggihan dina acara helaran Bumi mangsa usum panén.

Rujukan[édit | édit sumber]

  1. Rosidi, Ajip.dkk. 2000. Ensiklopedi Sunda: Alam, Manusia, Budaya (Termasuk Budaya Cirebon dan Betawi), Jakarta: Pustaka Jaya.
  2. Ramat Loka Pakait: http://www.wisatanet.com/travel_wisataku.php?kode=1&id=66 Archived 2007-09-28 di Wayback Machine .