Force India mangrupa salah sahiji tim balap Formula 1 anu asalna ti India. Tim ieu mangrupa akusisi ti tim Spyker anu pernah turun di taun 2007. Nu miboga tim ieu nyaéta jutawa India Vijay Mallya. Debut tim ieu dimimitian di GP Australia 2008. Tim ieu teras ngagaduhan pasokan mesin ti Mercedes-Benz. Tim ieu lantas ngaraih pole position di GP Belgia 2009 lewat Giancarlo Fisichella. Enjingna pas balapan, Fisichella ogé akhirna ngaraih podium pertamana kanggo tim ieu, di mana anjeunna finis kadua dipengkereun Kimi Raikkonen (Ferrari).