Frékuénsi

Ti Wikipédia, énsiklopédia bébas basa Sunda
Luncat ka: pituduh, sungsi
Gelombang sinus tina frékuénsi nu béda-béda; gelombang nu leuwih pondok miboga frékuénsi nu leuwih luhur tinimbang gelombang nu leuwih panjang.

Frékuénsi nyaéta ukuran anu ngagambarkeun jumlah lumangsungna kajadian anu kaulang-ulang, bulak-balik, per unit waktu nu tangtu. Frékuénsi ogé didefinisikeun sabage laju parobahan fase gelombang sinusoidal.

Pangukuran[édit | sunting sumber]

Keur ngitung frékuénsi sahiji kajadian, itung heula jumlah lumangsungna kajadian salila interval waktu nu ditangtukeun, terus bagi ku lilana interval waktu.

Dina sistem Internasional (SI), hasil pangukuran kasebut dinyatakeun dina unit hertz (Hz), ngaran anu dicokot tina ngaran ahli fisika Jerman Heinrich Rudolf Hertz. 1 Hz boga harti yen sahiji kajadian lumangsung sakali per detik, 2 Hz hartina lumangsung 2 kali per detik. Unit ieu asalna dingaranan puteran per detik, anu kadang-kadang masih digunakeun. Unit-unit lain anu digunakeun pikeun ngukur frékuénsi diantarana révolusi per menit (rpm) jeung radian per detik (rad/det). Laju detak jantung jeung tempo musik diukur maké unit beats (ketukan) per menit (BPM).

Métoda lain pikeun ngitung frékuénsi nyaéta ku cara ngukur waktu antara dua kajadian anu lumangsungna padeukeut (disebut periode) sarta ngitung frékuénsi f sabagé kabalikan tina periode:


f = \frac{1}{T}

dimana T nyaéta periode. Pangukuran anu leuwih taliti merlukeun siklus kajadian anu loba sarta ngitung rata-rata periodena.

Frékuénsi gelombang[édit | sunting sumber]

Frékuénsi boga hubungan anu tibalik jeung konsép panjang gelombang. Frékuénsi f sarua jeung laju gelombang vdibagi ku panjang gelombang λ (lambda) tina éta gelombang:


f = \frac{v}{\lambda}

Dina kasus husus, gelombang éléktromagnétik anu ngarambat ngaliwatan sahiji rohangan kosong, mangka v = c, dimana c ngarupakeun laju cahaya di rohangan hampa, sarta rumusna jadi:


f = \frac{c}{\lambda}

Mangsa gelombang ngarambat ti hiji midiyeum ka midiyeum lianna, frékuénsina tetep sarua — ngan panjang gelombang jeung laju anu robah.

Salian ku efek Doppler, frekuensi henteu bisa dirobah ku proses fisis naon bae. Hal ieu beda jeung laju rambatan sarta panjang gelombang anu bisa dirorobah.

Tempo ogé[édit | sunting sumber]

Tumbu kaluar[édit | sunting sumber]