Detik

Ti Wikipédia, énsiklopédia bébas basa Sunda
Luncat ka: pituduh, sungsi

Detik atawa sékon (Basa Inggris: second Basa Walanda: seconde) nyaéta hijian waktu dina sistem internasional (SI), anu ditetepkeun minangka selang waktu salila 9.192.631.770 kali période radiasi transisi atom cesium-133 ti dua tingkat hyperfine dina kaayaan ground state dina suhu enol kelvin.

Dina pamakéan anu pangilaharna, hiji detik nyaéta 1/60 ti 1 menit, sarta 1/3600 ti 1 jam.

Sajarah[édit | sunting sumber]

Mimitina, istilah second dina basa Inggris dipikawanoh minangka "second minute" (menit kadua), anu hartina bagian leutik tina 1 jam. Bagian anu kahiji dipikawanoh minangka prime minute (menit perdana) anu sarua jeung menit kawas anu dipikawanoh ayeuna. Babagian ieu maku maku kana 1/60, nyaéta, aya 60 menit dina jero 1 jam sarta aya 60 detik dina jero 1 menit. Ieu meureun dilantarankeun ku pangaruh urang Babilonia, anu ngagunakeun itungan sistem dumasar kana basis 60 (sexagesimal). Istilah jam sorangan geus kapanggih ku urang Mesir nu netepkeun puteran bumi minangka 1/24 ti rata-rata poé. Ku kituna itungan detik jadi 1/86.400 ti rata-rata poé.

Dina taun 1956, International Committee for Weights and Measures (CIPM), dumasar mandat anu dibikeun ku General Conference on Weights and Measures (CGPM) ka sapuluh dina taun 1954, ngawincik detik dina période puteran bumi ngurilingan panonpoé dina waktu epoch, alatan dina waktu éta geus jadi kasadaran yén puteran bumi dina sumbuna teu cukup saragem pikeun dipaké minangka standar waktu. Gerak bumi éta digambarkan dina Newcomb's Tables of the Sun (Daptar panonpoé Newcomb), anu méré rumusan pikeun gerak panonpoé dina epoch dina taun 1900 dumasar kana observasi astronomi nu dijieun salila abad ka dalapanbelas sarta salapanbelas. Ku kituna detik didéfinisikan minangka

1/31.556.925,9747 bagian tina taun panonpoé dina tanggal 0 Januari 1900 jam 12 waktu ephemeris.

Ku dijieunana jam atom, mangka ditetepkeun pamakéan jam atom minangka dasar pikeun nangtukeun detik, lain deui ku puteran bumi.

Tina hasil gawé sababaraha taun, dua astronom di United States Naval Observatory (USNO) jeung dua astronom di National Physical Laboratory (Teddington, Inggris) nangtukeun hubungan antara frékuénsi atom caesium transisi hyperfine jeung detik ephemeris. Minangka hasilna, dina taun 1967, General Conference on Weights and Measures netepkeun detik ti waktu atom dina SI minangka

Selang waktu salila 9.192.631.770 période tina radiasi transisi antara dua tingkat hyperfine ti ground state atom caesium-133.

Ground state téh didéfinisikeun salaku euwuehna (enol) médan magnét. Detik anu didéfinisikan kasebut nyaéta sarua jeung detik ephemeris.

Définisi detik anu saterusna nyaéta disampurnakeun dina pasamoan BIPM pikeun nambahan kalimah:

Définisi ieu nujul kana atom caesium anu cicing dina suhu 0 darajat K.

Rujukan[édit | sunting sumber]

  • Second ti wikipedia berbahasa Inggris. Dicokot tanggal 28 Juli 2005.

Tempo ogé[édit | sunting sumber]

Tumbu ka luar[édit | sunting sumber]