Puteran
Puteran atawa rotasi nyaéta muterna barang dina hiji sumbu anu tetep, contona muterna gasing jeung muterna bumi dina sumbuna. Pikeun bumi, puteran ieu lumangsung dina garis/poros/sumbu kalér-kidul (garis ajeg sarta saeutik doyong ka katuhu). Jadi garis kalér-kidul bumi henteu pahapt-hapit jeung sumbu puteran bumi, kawas anu katémbong dina globe (bal dunya) anu dipaké dina pangajaran élmu bumi/géografi. Laju puteran ieu diukur ku lobana puteran pér hijian waktu. Contona bumi urang ngalakonan 1 puteran pér 24 jam. Pikeun puteran mesin anu muter leuwih gancang ti puteran bumi, urang maké hijian rotasi pér menit (rpm).
Alatan gerak rotasi ieu, mangka barang baris ngalaman gaya séntrifugal, nyaéta wanda gaya dina élmu fisika anu ngabalukarkeun barang kapangpéngkeun ka luar. Hal ieu baris karasa dina waktu urang naék mobil anu ngaliwatan tikungan muter. Dina waktu mobil ieu usik muter kalawan laju nu rada luhur, mangka panumpang dina mobil baris ngarasa kapangpéngkeun ka gigir / sabeulah (ka sisi luar bunderan éta) alatan ayana gaya séntrifugal.